ព្រះសីហនុ ៖កម្មកររោងចក្រយីហោហានីម៉ូន ប្រមាណ’27នាក់ បានដួលសន្លប់ជាបន្តបន្ទាប់ កាលពីវេលាម៉ោង១២ថ្ងៃត្រង់ថ្ងៃទី០១ សីហា ដែលរោងចក្រនេះមានទីតាំងនៅក្នុងតំបន់សេដ្ឋកិច្ចពិសេសបិតត្រាំង ស្ថិតក្នុងភូមិពូធឿង ឃុំបិតត្រាំង ស្រុកព្រៃនប់ ។
ប្អូនស្រី បុត្រ ចាន់នី ជាកម្មារនីដែលបានដួលសន្លប់ម្នាក់ក្នុងចំណោមកម្មារនីដ៍ទៃទៀតបានបញ្ជាក់ថា ការដួលសន្លប់របស់ពួកប្អូនស្រី គឺពុំដឹងអំពីមូលហេតុអ្វីនោះទេ គ្រាន់តែដឹងថា នៅពេលឃើញគេដួលសន្លប់រូបនាងក៏បានសន្លប់ដោយពុំដឹងខ្លួន។ប្រភពដ៏ដែលបានបន្តថា នៅថ្ងៃកើតហេតុការដួលសន្លប់នេះកាលពីព្រឹកមានកម្មារនីម្នាក់ដួលសន្លប់ ហើយត្រូវបានថៅកែអោយទៅសំរាកនៅផ្ទះ រហូតដល់ពេលចួលធ្វើការបន្ទាប់ពីបាយថ្ងៃត្រង់រួចក៏មានកម្មារនីម្នាក់ទៀតបានដួលសន្លប់ បន្ទាប់មកក៏មានកម្មារនីដ៏ទៃទៀតដួលសន្លប់តៗគ្នាតែម្តង។
យោងតាមការអោយដឹងពីលោក យ៉ូវ ខេមរា ប្រធានមន្ទីការងារនិងបណ្តុះបណ្តាលវិជ្ជាជីវៈខេត្តព្រះសីហនុ បានអោយដឹងថា នៅថ្ងៃត្រង់ទី០១សីហារនេះមានកម្មករនៅរោងចក្រដេកំរាលពូកឈ្មោះហាន់នីម៉ូន ស្ថិតក្នុងតំបន់សេដ្ឋកិច្ចពិសេសបិទត្រាំង បានដួលសន្លប់តៗគ្នា ត្រូវបានខាងភាគីរោងចក្របញ្ជូនមកកាន់មន្ទីពេទ្យហើយដើម្បីសង្គ្រោះបន្ទាន់។
ជុំវិញបញ្ហា ដួលសន្លប់របស់កម្មារនីរោងចក្រដេកំរាលពូកមួយនេះ ត្រូវបានលោក តុង សំនៀង ប្រធានបេឡាជាតិរបបសន្តិសុខសង្គមខេត្តព្រះសីហនុបញ្ជាក់ថា កម្មការនីដែលបានដួលសន្លប់នៅថ្ងៃទៅ០១សីហានេះមានចំនួនពិតប្រាកដគឺ ២៧នាក់ ក្នុងនោះសុទ្ឋតែជាស្ត្រីទាំងអស់ហើយច្រើនជាខ្មែរឥស្លាម។ចំពោះមូលហេតុនៃការដួលសន្លប់នេះ គេនៅពុំទាន់ហានសន្និដ្ឋានច្បាស់លាស់នោះទេ ប៉ុន្តែបើយោងតាមការវាយតម្លៃការដួលសន្លប់នេះមកពីជំងឺម្យ៉ាងដែលគេអោយឈ្មោះថា ជំងឺស្នេហ៍ហ្វូង ជំងឺប្រភេទនេះគឺមកពីអារម្មណ៏របស់កម្មារនីដែលបានឃើញបុគ្គលទី១ដួលសន្លប់ហើយ ក៏មានអារម្មណ៏ថាអស់កំលាំងទន់ដៃជើងតែម្តង។លោកបន្តថា ចំពោះការចំណាយក្នុងការព្យាបាលជំងឺរបស់កម្មារនីទាំង២៧នាក់ គឺខាងបេឡាជាតិរបបសន្តិសុខសង្គមខេត្តព្រះសីហនុ ជាអ្នកចំណាយទាំងអស់។
មកទល់ពេលនេះកម្មកររងគ្រោះត្រូវគេបញ្ជូនទៅសង្គ្រោះនៅមន្ទីរពេទ្យ ចំនួន២កន្លែងផ្សេងគ្នា ៕
