ខេត្តរតនគិរីៈ អាជ្ញាធរ និងមន្ទីរពាក់ព័ន្ធមួយចំនួនចុះពិនិត្យគ្រោះទឹកជំនន់លើសពីការប្រកាសអាសន្ននៅស្រុកលំផាត់ កាលពីព្រឹកថ្ងៃទី២ ខែសីហា ឆ្នាំ២០១៤។ លោកគង់ ស្រ៊ុន អភិបាលស្រុកលំផាត់បានអោយដឹងថា កំរិតទឹកដែលត្រូវប្រកាសអាសន្នមានកំពស់១២ម៉ែត្រ ប៉ុន្តែនៅពេលនេះទឹក
ទន្លេស្រែពកមានកំពស់១២ម៉ែត្រ៦០សង់ទីម៉ែត្រ លើសពីកំរិតប្រកាសអាសន្នហើយ អាជ្ញាធរ និងមន្ទីរជុំវិញខេត្តបានជំលៀសប្រជាពលរដ្ឋដែលរងគ្រោះ និងងាយរងគ្រោះមកកាន់ទីទួលសុវត្ថភាពក្បែរភូមិ ក្នុងនោះមានឃុំជ័យឧត្តម មានភូមិស្រែឈូក១៣៥គ្រួសារ ស្រែលិចទឹកចំនួន៣៦ហិកតា ចំការលិចទឹក២០ហិកតាលើ១១គ្រួសា ភូមិថ្មី២២៥គ្រួសារ ស្រែលិចទឹក១០០ហិកតា ចំការលិចទឹក១៥ហិកតាលើ៨០គ្រួសារ ភូមិដីឡូរ៍
២២១គ្រូសារ ស្រែលិចទឹក៣០ហិកតាចំការលិចទឹក១៣ហិកតាលើ៣៨គ្រួសារ ភូមិសាមខា១០៤គ្រួសារ ស្រែ១៥ហិកតាលិចទឹក ចំការ៦ហិកតាលិចទឹកលើ១០គ្រួសារ ភូមិលំផាត២៤៧គ្រូសារ ស្រែលិចទឹក៣៩ហិកតា ចំការលិចទឹក២២ហិកតានៅលើ១៩គ្រួសារ ភូមិអូរកាន៩៧គ្រួសារ ស្រែលិចទឹក២៦ហិកតា ចំការលិចទឹក២៩ហិកតា លើ១៥គ្រូសារ សរុប១០២៩គ្រួសារ ស្រែលិចទឹក២៤៦ហិកតា ចំការលិចទឹក៩៦
ហិកតា លើ១៧៣គ្រូសារ។នៅឃុំសេដាភូមិកែងសាន១៣៤គ្រូសារ ស្រែលិចទឹក៥០ហិកតា ចំការលិចទឹក១០ហិកតា នៅលើ៣០គ្រួសារ។ ប្រជាពលរដ្ឋនៅស្រុកលំផាត់ សរុបរួមាន១១៦៣គ្រួសារ ក្នុងនោះគ្រួសារដែលរងផលប៉ះពាល់មាន២០៣គ្រូសារ ដីស្រែ២៩ហិកតា និងដីចំការ១០៦ហិកតា ហើយអាជ្ញាធរកំពុងត្រៀមជំលៀសប្រជាពលដ្ឋចេញពីតំបន់រងគ្រោះ និងតំបន់ងាយរងគ្រោះដោយទឹកជំនន់ទៅរកទីទួលសុវត្ថិភាព៕ 
