បើតាមការអោយដឹកពីលោក ប៉ាង ប៉េង ប្រធានមន្ទីរធនធានទឹក និងឧតុនិយម ខេត្តស្ទឹងត្រែងបានឱ្យដឹងថា ស្ថានីយ៍ជលសាស្ត្រទឹកទន្លេមេគង្គនៅរសៀលថ្ងៃទី០៥នេះ ទឹកបានស្រកចុះមកត្រឹម ១១,៤០ម៉ែត្រ ក្រោយពីរឡើងលើសកម្រិតប្រកាសអាសន្នរហូតដល់១១,៥៦។តែទោះជាមានការស្រកចុះបន្តិចក៏ដោយ ក៏ប្រជាពលរដ្ឋរស់នៅក្នុងស្រុកថាឡាបរិវ៉ាត់មានការព្រួយបារម្ភយ៉ាងខ្លាំង ពីសុវត្តិភាពរបស់ខ្លួន ពេលឆ្លងសាឡាងទៅមកក្នុងខណទន្លេមេគង្គជនលិចមើលស្ទើតែមិនឃើញកោះត្រើយ។
លោកស្រី ជ័យ សុខខឿប្រជាពលរដ្ឋរស់នៅក្នុងភូមិថាឡាស្រុកថាឡាបរិវ៉ាត់បាននិយាយថាក្នុងមួយថ្ងៃៗលោកស្រីបានជិះសាឡាឆ្លងទៅមកជារាងរាល់ថ្ងៃ តែក្នុងខណទន្លេមេគង្កបានជនលិច លោកស្រីមានក្តីបារម្ភយ៉ាងខ្លាំងពីសុវត្តិភាព។ព្រោះរដូវនេះជារដូវភ្លៀង ពេលមានភ្លៀងម្តងៗ មានខ្យល់បោកបក់យ៉ាងខ្លាំង ធ្វើឱ្យអ្នកជិះលើសាឡាងមានការតកស្លុតខុសពីធម្មតា។ 
លោកស្រីបានបន្តថាមិនថាតែរូបលោកស្រីទេ សូម្បីអ្នកដែលធ្វើដំណើរទៅមកបានលាន់មាត់ថា ពេលទឹកឡើងខ្លាំងយ៉ាងនេះ បើសិនមានខ្យល់ព្យុះ កើតឡើងដោយយថាហេតុណាមួយនោះ និងធ្វើឱ្យមនុស្សជាច្រើនាក់រងគ្រោះថ្នាក់ជាក់ជាមិនខាន។ដោយហេតុថាសាឡាងដឹក រថយន្តមិនកំណត់ឱ្យតែដាក់អស់ រួមទាំងមនុស្សទៀតផងនោះ វាអាចលើសចំណុះក៏អាចថាបាន។
ទើបប្រជាពលដ្ឋ រស់នៅក្នុងស្រុកថាឡាបរិវ៉ាត់ មានក្តីបារម្ភ បើសិនជារាជរដ្ឋាភិបាល ក៏ដូចជាអាជ្ញាធរខេត្តសំរួល ឱ្យឆ្លងស្ពានជាបណ្តោះអាសន្នទម្រាំសម្ភោធបើកដាក់ឱ្យប្រើប្រាស់ជាផ្លូវការនោះ ប្រហែលអ្នកធ្វើដំណើរទៅមក មិនសូវមានការព្រួយបារម្ភនោះទេ៕
