ភ្នំពេញ ៖ កម្លាំងអន្តរាគមន៍ នៃអធិការដ្ឋាននគរបាលខណ្ឌច្បារអំពៅ បានឃាត់ខ្លួនជនសង្ស័យ៦នាក់ក្រោយពីពួកគេធ្វេីសកម្មភាពឆក់ខ្សែកបានសម្រេច កាលពីនៅម៉ោង១៤និង៣០នាទី ថ្ងៃទី១៩ ខែមីនា ឆ្នាំ២០២១ នៅមុខដីឡូត៍គ្មានលេខ ផ្លូវបេតុង ភូមិកោះក្របី សង្កាត់ព្រែកថ្មី ខណ្ឌ ច្បារអំពៅ ។
យោងតាមរបាយការណ៍របស់លោកវរសេនីយ៍ទោ គាន់ ឌីណា អធិការរងទទួលផែនព្រហ្មទណ្ឌខណ្ឌច្បារអំពៅបានប្រាប់ឲ្យដឹងថា ជនរងគ្រោះឈ្មោះ អាត ស្រីកា ភេទស្រី អាយុ១៧ឆ្នាំ ជនជាតិខ្មែរ មុខរបរជាងអ៊ុតសក់ ស្នាក់នៅភូមិព្រែកថ្មី១ សង្កាត់ព្រែកថ្មី ខណ្ឌ ច្បារអំពៅ។
ចំណែកជនសង្ស័យឃាត់ខ្លួន០៦នាក់រួមមាន ៖
១-ឈ្មោះកៅ វិចិត្ររាជ ភេទប្រុស អាយុ ១៧ឆ្នាំ ជាតិខ្មែរ មុខរបរសិស្ស ស្នាក់នៅភូមិ តាងៅ សង្កាត់និរោធ ខណ្ឌច្បារអំពៅ។
២-ឈ្មោះសុក ធា ភេទប្រុស អាយុ ១៧ឆ្នាំ ជាតិខ្មែរ មុខរបរ រត់ម៉ូតូកង់បី ស្នាក់នៅសង្កាត់បឹងត្របែក ខណ្ឌចំការមន។
៣-ឈ្មោះប៊ុន ណារិទ្ធ ភេទប្រុស អាយុ១៧ ឆ្នាំ ជាតិខ្មែរ មុខរបរសិស្ស ស្នាក់នៅផ្ទះជួល សង្កាត់បឹងត្របែក ខណ្ឌចំការមន។
៤-ឈ្មោះ អ៊ុំ និមល ភេទប្រុស អាយុ ១៧ឆ្នាំ ជាតិខ្មែរ មុខរបរ គ្មាន ស្នាក់នៅផ្ទះគ្មានលេខ សង្កាត់ចាក់អង្រែលើ ខណ្ឌមានជ័យ។
៥-ឈ្មោះពេជ្រ សៀវនី ភេទប្រុស អាយុ១៦ ឆ្នាំ ជាតិខ្មែរ មុខរបរសិស្ស ស្នាក់នៅភូមិ៥ សង្កាត់បឹងត្របែក ខណ្ឌចំការមន។
៦-ឈ្មោះសុខ វិសិដ្ឋ ភេទប្រុស អាយុ១៧ឆ្នាំ ជាតិខ្មែរ មុខរបរ គ្មាន ស្នាក់នៅភូមិបឹងសា ឡាង សង្កាត់ឬស្សីកែវ ខណ្ឌឬស្សីកែវ។
លោកវរសេនីយ៍ទោ គាន់ ឌីណា អធិការរងខណ្ឌច្បារអំពៅបានឲ្យដឹងទៀតថា ៖ មុនពេលកើតហេតុជនរង គ្រោះ និងមិត្តភក្តិជិះម៉ូតូឌុបគ្នាទៅផឹកកាហ្វេ ពេលមកដល់ចំណុចកើតហេតុ ស្រាប់តែមានជនសង្ស័យ ០៦នាក់ខាងលើ ជិះម៉ូតូ ០៣គ្រឿង ម៉ាក Honda C-១២៥ ពណ៌ខ្មៅ (ពាក់ផ្លាកលេខ ៖ ស្វាយរៀង ១Q-២៣៥៣, ភ្នំពេញ ១IN-៤២០៣, ភ្នំពេញ ១IQ១០៦៩) ធ្វើសកម្មភាពឆក់ខ្សែកប្លាទីនទម្ងន់៧ជី មាន បន្តោងដាំត្បូងពេជ្រពីជនរងគ្រោះបានសម្រេច រួចគេចខ្លួន ពេលនោះជនរងគ្រោះដេញតាមពីក្រោយស្រែកចោរៗ ក៏មានសមត្ថកិច្ចយើងល្បាតក្បែរនោះដេញតាមដល់ក្នុងដីឡូត៍ក្បែរក៏ដួលម៉ូតូជ្រុះបាត់ខ្សែកជនរងគ្រោះ រួចសមត្ថកិច្ចយើក៏ឃាត់ខ្លួនជនសង្ស័យទាំង០៦នាក់ខាងលើ រួមនិងវត្ថុតាងម៉ូតូ៣គ្រឿង ជិះធ្វើសកម្មភាព បញ្ជូនមកអធិការដ្ឋាននគរបាលខណ្ឌច្បារអំពៅ ចាត់ការតាមច្បាប់៕
