ភ្នំពេញ: បុរសម្នាក់បើករថយន្តហាយឡែនឌ័រមួយគ្រឿងរវល់និយាយទូរស័មិនប្រយ័ត្នក៏ទៅកៀររថយន្តហាយឡែនឌ័រមួយគ្រឿងទៀតជាចតស្ងៀមតាមចិញ្ចើមផ្លូវបណ្ដាលឲ្យបាក់កញ្ចក់ឆ្វេងម្ខាងនិងធ្លាក់កាងខាងមុខរងការខូចខាតយ៉ាងដំណំ។
ហេតុការណ៍នេះកើតឡើងកាលពីវេលាម៉ោង៩យប់ថ្ងៃទី១៩ ខែមីនាឆ្នាំ ២០២១ ស្ថិតនៅតាមបណ្ដោយផ្លូវ ១៩៨៦ ក្បែរនិងអតីតខារ៉ាអូខេអឹមភើរៀរ ក្នុងសង្កាត់ភ្នំពេញថ្មី ខណ្ឌសែនសុខរាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញរថយន្តហាយឡែនឌ័រ មួយគ្រឿង ពណ៌ប្រផេះពាក់ស្លាកលេខភ្នំពេញ2R-0982ឈប់អែបនឹងចិញ្ចើមផ្លូវនៅកន្លែងកើតហេតុខាងលើក្នុងទិសដៅកើតលិច ខណះនោះក៏មានរថយន្តហាយឡែនឌ័រមួយគ្រឿងទៀតពណ៌សពាក់ស្លាកលេខភ្នំពេញ2AW-3059បើកបរដោយបុរសម្នាក់រវល់និយាយទូរសព្ទធ្វើដំណើរទិសដៅពីលិចទៅកើត លុះមកដល់ចំណុចកើតហេតុខាងលើដោយមិនប្រយ័ត្នបានកៀររថយន្តហាយលេនឌ័រដែលចតស្ងៀមតាមចិញ្ចើមផ្លូវផ្នែកខាងឆ្វេងបណ្ដាលឲ្យបាក់កញ្ចក់មលើក្រោយម្ខាងនឹងធ្លាក់ការខាងមុខរងការខូចខាតយ៉ាងដំណំ។
ក្រោយកើតហេតុភាគីទាំងសងខាងបានធ្វើការសម្របសម្រួលគ្នារយៈពេលជិតមួយម៉ោងទើបត្រូវគ្នាដោយខាងភាគីរថយន្តបង្កបានចេញសំណងចំនួន ១៥០ ដុល្លារទៅឲ្យខាងភាគីរងគ្រោះដើម្បីបញ្ចប់រឿងនៅនឹងកន្លែងកើតហេតុ៕
