កំពង់ឆ្នាំង៖ផ្ទះប្រជាពលរដ្ឋចំនួន១០ខ្នងបានរងការខូចខាតដោយសារខ្យល់ព្យុះកន្ត្រាក់ ក្នុងនោះផ្ទះ១ខ្នងបានរំរាបដល់ដី និង៩ខ្នងទៀតរបើកដំបុលនិងជញ្ជាំង។ករណីគ្រោះថ្នាក់ដោយធម្មជាតិនេះបានកើតឡើងនៅវេលាម៉ោង៣និង៤០នាទីល្ងាចថ្ងៃទី០៤ ខែសីហា ឆ្នាំ២០១៤នៅក្នុងភូមិអញ្ចាញរូង ឃុំអញ្ចាញរូង ស្រុកបរិបូរណ៌។
សមត្ថកិច្ចនគរបាលមូលដ្ឋានបានអោយដឹងថា៖ នៅក្នុងពេលវរលាខាងលើខ្យល់និងភ្លៀងមួយមេបានបោកបក់យ៉ាងខ្លាំងមកលើភូមិអញ្ចាញរូង និងបានធ្វើអោយផ្ទះរបស់ ផ្ទះចំនូន១០ខ្នងបានរងការខូចខាត ដែលក្នុងនោះផ្ទះចំនួន៩ខ្នង បានខូចខាតបើងដំបូល និងផ្ទះ១ខ្នង របស់ឈ្មោះ ហាត ចាន់ ភេទប្រុស ទំហំ៥មគុណនិង៦ម បានរលំដួលរាបដល់ដីទាំងស្រុង។
តាមសេចក្តីរាយការណ៍របស់សាខាកាកក្របាទក្រហមឃុំ និងលោកមេឃុំអញ្ចាញ រូងក៏មានទូរលេខខូចខាតផ្ទះដូចសមត្ថកិច្ចនគរបាលមូលដ្ឋានរាយការណ៍ដែរ។ប្រជាពល រដ្ឋជាជនរងគ្រោះទាំង១០គ្រួសារ មានសមាជិកសរុបចំនួន៤០នាក់។ របាយការណ៍ខាងលើនេះអាជ្ញាធរមូលដ្ឋានបានរាយការណ៍ជូនទៅថ្នាក់ខេត្ត និងក្រ សួងហើយតាមខ្សែបណ្តោយរៀងៗខ្លួន ដើម្បីត្រៀមរកស្បៀងអាហារជួយសង្គ្រោះបន្ទាន់ ជូនជនរងគ្រោះក្នុងពេលឆាប់ៗនេះ។ 
