កំពង់ឆ្នាំង៖លោក អម សុភា ប្រធានលេខាធិការដ្ឋានគណកម្មធិការគ្រប់គ្រងគ្រោះមហន្តរាយខេត្តបានរាយការណ៍អោយដឹងថា៖នៅក្នុងរយះពេល៧ខែឆ្នាំ២០១៤នេះគ្រោះមហន្តរាយ ដែលកើតឡើងនៅដោយខ្យល់ព្យុះកន្ត្រាក់កើតមានចំនួន១០លើកបណ្តាលអោយរលំផ្ទះចំនួន៧០ខ្នងរបើកដំបួល ជញ្ជាំង និងទ្រេតចំនួន៣៦៧ខ្នង របួសមនុស្ស១១នាក់ ប៉ះពាល់សាលារឿននិងសាលាឃុំបណ្តែតទឹកចំនួន២ខ្នង ខូចម៉ូតូ២គ្រឿង ងាប់គោ៥ក្បាល ។
គ្រោះអាគីភ័យកើតមានចំនួន២៣លើក រទះបាញ់៣លើក បណ្តាលអោយមានមនុស្សស្លាប់៦នាក់ របួស៧នាក់ ឆេះផ្ទះអស់៣៤ខ្នងនិងខូចខាតសម្ភារះ ទ្រព្យសម្បត្តិមួយចំនួនធំទៀត។សេចក្តីរាយការណ៍នេះបានរាយការណ៍ជូនគណៈកម្មាធិការគ្រប់គ្រងគ្រោះមហ្តរាយខេត្ត ដែលបានបើកកិច្ចប្រជុំនៅព្រឹកថ្ងៃទី៥ ខែសីហាឆ្នាំ២០១៤ ក្នុងសាលាខេត្តកំពង់ឆ្នាំង។
យោងតាមប្រសាសន៏សម្តេចនាយករដ្ឋមន្ត្រី ហ៊ុន សែន និងយោងតាមការព្យាករណ៏របស់ក្រសួងធន់ធានទឹកនិងឧតុនិយមអំពីគ្រោះទឹកជំនន់នៃទន្លេមេគង្គដែលអាចហក់ឡើងខ្ពស់ជាងកំរិតប្រកាសអា សន្ន គណកម្មធិការគ្រប់គ្រងគ្រោះមហន្តរាយរបស់ខេត្តកំពង់ឆ្នាំង បានបើកប្រជុំពិភាក្សាត្រៀមឆ្លើយតបនិងគ្រោះមហន្តរាយទឹកជំនន់ដែលអាចកើតមាននៅក្នុងខេត្តកំពង់ឆ្នាំងនាពេលខាងមុខនេះ។ការប្រជុំនេះដឹកនាំដោយលោក ឈួរ ច័ន្ទឌឿន អភិបាលខេត្ត និងលោកជំទាវ ដោក សុទ្ធា ប្រធានក្រុមប្រឹ ក្សាខេត្ត និងដែលមានការអញ្ជើញចូលរូមពីលោកប្រធាន លោកអនុប្រធានមន្ទីរ អង្គភាពជុំវិញខេត្ត និងមន្ត្រីអង្គការក្រៅរដ្ឋាភិបាលមួយចំនួនទៀតដែលមានការចូលរួមសរុប៧០នាក់។ 
លោក ឈួរ ច័ន្ឌឌឿន អភិបាលខេត្តបានលើកឡើងថា៖ប៉ុន្មានថ្ងៃមុននេះនៅខេត្តស្ទឹងត្រែងមណ្ឌលគីរី រតនះគីរី កំពង់ចាម ត្រូវបានទឹកជំនន់ទន្លេមេគង្គបានគំរាមកំហែងដល់កំរិតប្រកាសអាសន្ននិង៣ទៅ៤ថ្ងៃខាងមុខទៀតទឹកជំនន់និងហូរចាក់មកបឹងទន្លេសាប ឆ្លងកាត់ព្រែកទន្លេក្នុងខេត្តកំពង់ឆ្នាំង ដែលអាចធ្វើអោយប្រជាពលរដ្ឋយើងរស់នៅតាមដងទន្លេមានផលប៉ះពាល់មួយចំនួនផងដែរ ប្រសិនបើកំពស់ទឹកទន្លេហក់ឡើងខ្លាំងថែមទៀត។
លោក ឈួរ ច័ន្ឌឌឿន បានណែនាំដល់អាជ្ញាធរមូលដ្ឋានគ្រប់លំដាប់ថ្នាក់ មន្ទីរអង្គភាពខេត្តទាំងអស់ត្រូវត្រៀមលក្ខណះទប់ស្កាត់និងឆ្លើយតបចំពោះទឹកជំនន់ខាងលើនេះ។ ដូចជាត្រូវត្រៀមបំរ៉ុងរកទីទូលសុវត្ថភាពមានដូចជាទីទូលធម្មជាតិ ទួលវត្ត ទួលសាលារៀន ទួលសំណង់ផ្សេងៗ សម្រាប់ជំលៀសប្រជាពល់រដ្ឋនិងជំលៀសសត្វពាហនះ ។ ក្នុងនោះដែរអង្គភាពពាក់ពន្ធមួយចំនួនដូចជាមន្ទីរសុខាភិបាលមន្ទីរពេទ្យ ត្រូវត្រៀមថ្នាំពេទ្យ កងកម្លាំងប្រដាប់អាវុធទាំង៣ប្រភេទត្រូវត្រៀមកម្លាំងនិងមធ្យោ បាយជាមួយអង្គភាពមួយចមនួនទៀតដើម្បីជួយដឹកជញ្ជូនជំលៀសប្រជាពលរដ្ឋ។ 
ដោយឡែកសាខាកាកបាទក្រហមនិងអាជ្ញាធរមូលដ្ឋានគ្រប់ស្រុកត្រូវត្រៀមស្បៀងអាហារសម្រាប់សង្គ្រោះប្រជាពលរដ្ឋ និងត្រូវរាយការណ៏ជាបន្ទាន់នូវសភាពការគ្រោះទឹកជំនន់ដែលបានកើតឡើងរាយការណ៏ជូនថ្នាក់លើអោយបានទាន់ពេលវេលា។ លោកអភិបាលខេត្តសូមថ្លែងអំណគុណផងដែរដល់លោកប្រធានមន្ទីរអង្គភាពជុំវិញខេត្តបានជួយឧបត្ថមថវិកាជាង២៤លានរៀលស្មើនិង៦ពាន់ដុល្លា ដល់គណកម្មធិកាគ្រប់គ្រងគ្រោះមហន្តរាយរបស់ខេត្ត ដើម្បីទុកចាត់ចែងត្រៀមជួយសង្គ្រោះប្រជាពលរដ្ឋ។ លោក ឈួរ ច័ន្ឌឌឿន អភិបាលខេត្តកំពង់ឆ្នាំងបាន
និយាយអោយដឹងទៀតថាកំពស់ទឹកទន្លេក្នុងខេត្តកំពង់ឆ្នាំង នៅព្រឹកថ្ងៃទី៥ ខែសីហា ឆ្នាំ២០១៤ ននេះមានកំពស់៧,៩០ម៉ែត្រប្រៀបធៀបរួះពេលដូចគ្នាក្នុងឆ្នាំ២០១៣ ទឹកមានកំពស់៧,១០ម៉ែត្រ និងបើប្រៀបធៀបឆ្នាំ២០១១ ទឹកមានកំពស់៧,៥០ម៉ែត្រ ដូច្នេះទឹកក្នុងឆ្នាំ២០១៤នេះមានកំពស់ខ្ពស់ជាងឆ្នាំ២០១៣មានកំពស់៨តឹកដែលគួរអោយព្រួយបារម្ភផងដែរ ចំណែកទឹកដែលត្រូវប្រកាសអាសន្នក្នុងខេត្តកំពង់ឆ្នាំងមានកំពស់
១១ម៉ែត្រ។ លោក អភិបាលខេត្តក៏បានសំណូមពរផងដែរដល់ប្រធានមន្ទីរព័ត៏មានខេត្តអ្នកសារព័ត៏មានខេត្តមត្រូវជួយផ្សព្វផ្សាយស្ថានភាពកំពស់ទឹកជំនន់ ស្ថានភាពធាតុអាកាសប្រែប្រួលប្រចាំថ្ងៃ ដើម្បីផ្សព្វផ្សាយនៅក្នុងកាសែតនិងក្នុងទទូរទស្សន៏នៅក្នុងប្រទេស បានជ្រួតជ្រាបដល់ប្រជាពលរដ្ឋ និងមានវិធានការណ៏ទប់ស្កាត់ និងជំលៀសចេញបានទាន់ពេលវេលា៕ ( ឈៀង ថារិទ្ធ ) កំពង់ឆ្នាំង,ថ្ងៃទី០៥.០៨.២០១៤
