ខេត្តបាត់ដំបង÷ក្រុមកែច្នៃអាវុធបាញ់គ្រាប់បាដាងដោយខុសច្បាប់មួយក្រុមមានគ្នា៤នាក់ត្រូវបានសមត្ថកិច្ចឃាត់ខ្លួនមកសាកសួរនិងកសាងសំណុំរឿងបញ្ជូនទៅតុលាការដើម្បីចាត់ការតាមច្បាប់។
សមត្ថកិច្ចឲ្យដឹងថា:អ្នកទាំង៤នាក់រួមនិងវត្ថុតាងផងត្រូវបានសមត្ថកិច្ចចុះឃាត់ខ្លួនស្របតាមការសម្របសម្រួលលើនីតិវិធីពីលោកគឺ.ប៊ុណ្ណារ៉ាព្រះរាជអាជ្ញានៃអយ្យការអមសាលាដំបូងខេត្តបាត់ដំបង។បានឃាត់ខ្លួនកាលពីល្ងាចថ្ងៃទី២៥ខែមីនាឆ្នាំ២០២១នៅវេលាម៉ោង០៥:៣២នាទីនៅចំណុចក្រុមទី១៤ភូមិអូរតាញាឃុំតាគ្រាមស្រុកបាណន់ខេត្តបាត់ដំបង។
ក្នុងកិច្ចប្រតិបត្តិការខាងលើនេះត្រូវបានលោកវរសេនីយ៍ឯកឈឿង.គឹមសុងនាយការិយាល័យនគរបាលព្រហ្មទណ្ឌកម្រិតស្រាលដឹកនាំកម្លាំងការិយាល័យជំនាញរួមនឹងក្រុមអន្តរាគមន៍បង្ការបង្ក្រាបដោយសហការជាមួយកម្លាំងអធិការដ្ឋាននគរបាលស្រុកបាណន់ចុះបង្ក្រាបករណីកែច្នៃតម្លេីងជួសជុលកាន់កាប់នឹងចែកចាយ(អាវុធកែច្នៃបាញ់គ្រាប់បាដាង)និងបាននាំខ្លួនជនពាក់ព័ន្ធចំនួន០៤នាក់រួមនិងវត្ថុតាងមកកាន់ស្នងការខេត្ត។
សមត្ថកិច្ចបន្តថា:ជនជាប់ពាក់ព័ន្ធទាំង៤នាក់ដែលត្រូវឃាត់ខ្លួនរួមមាន:១,ឈ្មោះសាន.រក្សាហៅប្រុសអាយុ២៦ឆ្នាំ២,ឈ្មោះ ឡឹង.លេងភេទប្រុសអាយុ៣០ឆ្នាំ៣,ឈ្មោះឈឿង.សុភ័ក្រភេទប្រុសអាយុ២៦ឆ្នាំ៤,ឈ្មោះនៅ.ណាហៅជ្រូកភេទប្រុសអាយុ២៥ឆ្នាំជនសង្ស័យទាំង០៤នាក់ខាងលើមានទីលំនៅភូមិតាង៉ែនឃុំតាគ្រាមស្រុកបាណន់ខេត្តបាត់ដំបង។
ចំណែកវត្ថុតាងដែលត្រូវបានដកហូតរួមមាន៖កាំភ្លើងកែច្នៃបាញ់គ្រាប់បាដាងចំនួន០៥ដេីម,ដងឈេីកែច្នៃធ្វេីស្វ័យកាំភ្លើងចំនួនចំនួន០២ដេីម,កាំបិតកែច្នៃចំនួន០១ដេីម,ពូថៅចំនួន០១,គ្រាប់បាដាងចំនួនួន០២កំប៉ុង,ទូរស័ព្ទដៃម៉ាកRealmeពណ៌ខៀវ០១គ្រឿង,កាបូបស្ពាយពណ៌កាហ្វេចំនួន០១,អាវប៉ារ៉ាដៃវៃងចំនួន០១រួមនិងម៉ូតូចំនួន០៣គ្រឿងផង។
ជនសង្ស័យម្នាក់ឈ្មោះសាន.រក្សាហៅប្រុសក្នុងចំណោម៣នាក់ទៀតបានឆ្លើយសារភាពថាខ្លួនបានកែច្នៃតម្លេីង(អាវុធកែច្នៃបាញ់គ្រាប់បាដាង)បានចំនួន០៧ដេីមកន្លងមកហេីយហេីយក៏បានលក់ទៅអោយអ្នកស្គាល់គ្នានៅភ្នំពេញបានចំនួន០៣ដេីមផងដែរ។បច្ចុប្បន្នការិយាល័យជំនាញកំពុងត្រូវបានសាកសួរនិងកសាងសំណុំរឿងត្រៀមបញ្ជូនអ្នកទាំង៤រួមនិងវត្ថុតាងទៅតុលាការដើម្បីចាត់ការតាមនីតិវិធី៕សៅ សារិទ្ធ
