នៅព្រឹកថ្ងៃទី២៧ ខែមីនា ឆ្នាំ២០២១ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទកាកក្រហមកម្ពុជា និងបាននិមន្តចូលរួមពីព្រះសីលសំវរ ប៊ត តាំងឆេង ព្រះនាគមុនី មេគណខេត្ត និង សហការី,បានអញ្ជេីញ និងនិមន្តចូលរួមក្នុងពិធីប្រគល់ផ្ទះមនុស្សធម៌មួយខ្នង ជូនលោកយាយ ខឹម ណារី អាយុ៦៨ឆ្នាំ ជាស្ដ្រីមេម៉ាយ រស់នៅម្នាក់ឯងគ្មានទីពឹង រស់នៅក្នុងភូមិជីហែ ឃុំពាមប្រធ្នោះ ស្រុកកោះសូទិន ខេត្ដកំពង់ចាម។
ក្នុងពិធីប្រគល់ផ្ទះមនុស្សធម៌មួយខ្នងនេះដែរ សាខាកាកបាទកាកក្រហមកម្ពុជា ខេត្តកំពង់ចាម បានចែកអំណោយមនុស្សធម៍ជូនគ្រួសារដែលក្រីក្រ មិងជួបការលំបាកក្នុងកំឡុងពេលកូវីដ១៩ ចំនួន១៤គ្រួសារបន្ថែមទៀត ។
ដោយអនុវត្តន៍តាមអនុសាសន៍របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាគឺ ៣ការពារ និង ៣កុំ ដើម្បីទប់ស្កាត់នូវការរីករាលដាលជម្ងឺកូវីដ-១៩ និងរួមគ្នាបញ្ចប់ព្រឹត្តិការណ៍ សហគមន៍ ២០-កុម្ភៈ នៅកម្ពុជា៕
