ខេត្តស្ទឹងត្រែង៖ជនជាតិឡាវម្នាក់ត្រូវបានឃាត់ខ្លួនភ្លាមៗ រួមជាមួយ
និងថ្នាំញៀន៣កញ្ចប់ធំ ។សមត្ថកិច្ចស្ថិតក្នុងការបង្រ្កាបនោះ បានឲ្យដឹងថាៈការឃាត់ខ្លួនជនជាតិឡាវខាងលើនេះ ក៏ត្រូវបានរឹប
អូសនូវថ្នាំញៀន៣កញ្ចប់ធំ ។ ហើយការបង្រ្កាបនេះដែរ ត្រូវបានធ្វើឡើងកាលពីវេលាម៉ោង១០ព្រឹកក្នុងថ្ងៃទី៣១ ខែមីនា ឆ្នាំ២០២១
ស្ថិតនៅចំនុចក្បែរស្ពានទីពីរ ក្នុងភូមិអូរស្វាយ ឃុំអូរស្វាយ ស្រុកបុរីអូរស្វាយសែនជ័យ ។
សមត្ថកិច្ចជំនាញ ការិយាល័យប្រឆាំងគ្រឿងញៀន នៃស្នងការដ្ឋាន
នគរបាលខេត្ត បានឲ្យដឹងថាៈជនសង្ស័យដែលឃាត់ខ្លួនបានពេល
នេះជាជនជាតិឡាវមានឈ្មោះភិតសាម៉ននយ ភេទប្រុស អាយុ២៩
ឆ្នាំ ស្នាក់នៅភូមិហាតស៊ូខូន ស្រុកខូង ខេត្តចម្ប៉ាសាក់ ប្រទេសឡាវ។
រីឯវត្ថុតាងបទល្មើសដែលរឹបអូសបានពេលបង្រ្កាបជាថ្នាំញៀនចំនួន
៣កញ្ចប់ធំ ប្រភេទមេតាំហ្វេតាមីន ម្សៅថ្លាពណ៌ស ទម្ងន់ប្រហែល៣
គីឡូក្រាម ។
ក្រោយការចាប់ខ្លួនជនជាតិឡាវខាងកម្លាំងជំនាញបាននាំមកកាន់ស្នងការដ្ឋាននគរបាលខេត្ត ដើម្បីធ្វើតេស្តរកសារធាតុញៀន ក្រោម
វត្តមានព្រះរាជអាជ្ញារងអមសាលាដំបូងខេត្ត ព្រមទាំងករសាងសំណុំ
រឿងបញ្ជូនទៅសាលាដំបូងក្រោយបញ្ចប់នីតិវិធី ៕
