បន្ទាយមានជ័យះកំលាំងចម្រុះចំនួន៤អង្គភាព ដឹកនាំដោយព្ររាជអាជ្ញារងអមសាលាដំបូងខេត្តបន្ទាយមានជ័យ បានធ្វើសកម្មភាពត្រួតពិនិត្យឆែកឆេលើទំនិញខូចគុណភាព តាមផ្សានានានៅក្នុងក្រុងប៉ោយប៉ែត ហើយឈានទៅដល់ការឃាត់ខ្លួនម្ចាស់អាជីវកម្មកែសម្ផស្សចំនួន៦អ្នក
និងបង្កសុំណុំរឿងចាត់ការទៅតាមនិតិវិធីច្បាប់បន្ទាប់ពីរកឃើញមានឡេ គ្មានស្លាកយីហោខូចគុណភាពមួយចំនួនផងដែរនោះ ។
សូមបញ្ជាក់ដែលថា ក្នុងហេតុការណ៏ខាងលើនោះ គឺកើតមានកាលពីម៉ោង៨. ១០នាទីព្រឹក ថ្ងៃទី៧ ខែសីហា ឆ្នាំ២០១៤ នៅក្នុងផ្សាធំៗមួយចំនួននិងនៅតាមហាងមួយចំនួនទៀត ដែលស្ថិតនៅតាមផ្ទះ របស់អាជីវកលក់និងកែសម្ផស្ស ដែលស្ថិតនៅក្នុងក្រុងប៉ោយប៉ែត ខេត្តបន្ទាយមានជ័យតែម្តង។
ចំពោះកំលាំង៤អង្គភាពដូចខាងលើនោះរួមមាន អង្គភាពកាំកុងត្រូល អង្គភាពប៉ូលិសបង្ក្រាបបទល្មើសសេដ្ឋកិច្ច អង្គភាពពេទ្យ រួមនិងសហការជាមួយអធិកាដ្ឋាននគបាលក្រុងប៉ោយប៉ែតដែលដឹកនាំដោយកញ្ញា កែវសុគន្ធា ព្រះរាជអាជ្ញារងអមសាលាដំបូងខេត្តបន្ទាយមានជ័យ បានទៅធ្វើសកម្មភាព ត្រួតពិនិត្យតាមទីតាំងកែសម្ផស្ស ដែលស្ថិតនៅតាមទីផ្សារអគ្គះប៉ោយប៉ែតថ្មី ផ្សាររ៉ាថ្មី ផ្សារត្រី ផ្សារកណ្តាល និងបន្តធ្វើនៅក្នុងផ្សារមួយចំនួនទៀតនៅក្នុងក្រុងសិរីសោភណ្ឧ័ ក្នុងរសៀលថ្ងៃនេះតែម្តង។
ទាក់ទិនក្នុងករណី ឆែកឆេរនិងត្រួតពិនិត្យលើគុណភាពម្សៅឡេ ដែលគ្មានស្លាកយីហោនោះត្រូវបានសមត្ថកិច្ចចម្រុះខាងលើ ដកហូតបានវុត្ថុតាងមួយចំនួនធំ ហើយក៏ឈានដល់កាឃាត់ខ្លួនដល់ម្ចាស់អាជីវកម្មនោះចំនួន៦អ្នកជាស្ត្រីទាំងអស់ ខណះពេលនេះ មហាជនជាច្រើនអ្នក នៅក្នុងក្រុងប៉ោយប៉ែតកំពុងសង្ស័យទៅលើ ក្រុមសមត្ថកិច្ចចម្រុះនោះថា អាចឃាត់ខ្លួនស្ត្រីទាំង៦អ្នកនោះបញ្ជូនទៅតុលាការចាត់កាតាមនិតិវិធីច្បាប់ ព្រោះគេចោទថា កំលាំងជំនាញបានណែនាំជាច្រើនលើកហើយនៅតែបន្តលួចលាក់ធ្វើអាជីវកម្ម ប្រើឡេខូចគុណភាពប៉ះពាល់ដល់សុខភាពរបស់មនុស្ស ប្រុសស្រី បង្កអោយបាត់បង់ជីវិតនិងប៉ះពាល់សុខភាពធ្ងន់ធ្ងរទៀតផងកន្លងទៅ។
ក្នុងកាឃាត់ខ្លួនស្ត្រី៦អ្នកខាងលើនោះដែរ ត្រូវបានប្រជាពលរដ្ឋជាច្រើនលើកឡើងថា មិនគួរអស់លោកសមត្ថកិច្ចចម្រុះ នាំគ្នាមកចាប់អាជីវកស្លូតត្រង់យ៉ាងដូច្នេះទេគួរតែអប់រំពួកគាត់ទៅតាមកិច្ចសន្យា១ដង រី២ដងសិន ប៉ុន្តែបើសិនជាពួកគាត់មិនព្រមកែប្រែទើបឈានទៅដល់កាឃាត់ខ្លួនទៅតាមនិតិធីច្បាប់ទើបត្រឹមត្រូវ ពលរដ្ឋក៏បានបន្តទៀតថា គេបានឃើញនៅកន្លែងកើតហេតុនោះ គឺគេលឺច្បាស់ថា ទាំងប៉ូលិស ទាំងមន្ត្រីកាំកុងត្រូល ទាំងព្រះរាជអាជ្ញាបានកំណត់អោយអាជីវកខាងលើនោះ ទៅធ្វើកិច្ចសន្យានៅអធិការដ្ឋានគបាលក្រុងប៉ោយប៉ែត ហើយអោយត្រលប់មកផ្ទះវិញស្រាប់តែពេលពួកគាត់មកដល់អធិកាក្រុងប៉ោយប៉ែតហើយ បែជាកែកម្មវិធីចាប់បញ្ជូនពួកគាត់មកស្នងកានគបាលខេត្តបន្ទាយមានជ័យ ដើម្បីឃាត់ខ្លួនបញ្ជូនទៅតុលាការចាត់កាតាមនិតិធីច្បាប់ ។
មន្ត្រីប៉ូលិសសេដ្ឋកិច្ច បានបញ្ជាក់ប្រាប់អ្នកសាពត៏មានថា គេត្រូវតែប្រើពាក្យបែបនេះដើម្បីអោយពលរដ្ឋទាំងនោះ មកអធិការដ្ឋាននគបាលក្រុង តែបើសិនជាគេប្រើពាក្យផ្សេងវិញនោះ ពិតជាពួកគាត់មិនមកទេ ឥឡូវគេត្រូវតែបញ្ជូនពួកគាត់ទៅស្នងកានគបាលខេត្ត ដើម្បីចាត់កាបន្តតាមនិតិវិធីច្បាប់តែម្តង ព្រោះគេអប់រំច្រើនដងហើយនៅតែមិនព្រមស្តាប់យ៉ាងដូច្នេះ ដោយឡែកកញ្ញាកែវ សុគន្ធា ព្រះរាជអាជ្ញារងអមសាលាដំបូងខេត្តបន្ទាយមានជ័យ បានបង្ហើបប្រាប់អ្នកសារពត៏មានថា ខណះពេលនេះខាងលោកស្រីមិនអាចបង្ហើបអោយអ្នកសារពត៏មានដឹងពីហេតុកានេះទេ ព្រោះពេលនេះខាងតុលាការកំពុងតែចាត់ការបន្តលើរឿងនេះជាបន្តបន្ទាប់ និយាយរួចកញ្ញាកែវ សុគន្ធា ក៏បានលាអ្នកសារពត៏មានចេញទៅបាត់តែម្តង៕
