ខេត្តក្រចេះ :បើគេក្រលេកមកមើល ឃុំកន្តួតនិងឃុំថ្មី ស្រុកចិត្របូរី ខេត្តក្រចេះ ឯណេះវិញ មានឈ្មួញរកស៊ីឈើខុសច្បាប់កំពុងតែបន្តរ សកម្មភាពដឹកជញ្ជូនឈើធ្នង់ ចេញពីចំណុចឃុំទាំងនោះ យ៉ាងគគ្រឹកគគ្រេង ដោយឆ្លងកាត់តាមមុខ សង្កាត់រដ្ឋបាលព្រៃឈើកន្តួត យ៉ាងគឃ្លើន ជារៀងរាល់ យប់- ថ្ងៃដោយមិនខុសពីពេល មុនៗនោះ ឡើយ ។ ប្រភព ព័ត៍មានពី សមត្ថកិច្ច និង ប្រជាពលរដ្ឋ មួយចំនួន ដែលមិនបញ្ចេញ ឈ្មោះបានប្រាប់ឲ្យដឹងថា កាលពីវេលាម៉ោងប្រមាណជា ៩និង៤០នាទីយប់ នាថ្ងៃទី៣១ខែកក្ដដាឆ្នាំ២០១៤ ពួកគាត់បានសង្កេតឃើញមានរថយន្តគ្រប់ធន់ និង ជាច្រើនគ្រឿងដូចជា កាមរីស៊េរី៩៥ ឆ្លាម បាឡែន និងហៃឡេនឌ័រ បានធ្វើរចរាចរដឹកជញ្ជូនឈើធ្នង់ យ៉ាងគគ្រឹកគគ្រេងចេញពីចំណុចឃុំកន្តួតនិងឃុំថ្មីតាមកំណាត់ផ្លូវជាតិលេខ ៧ ឆ្ពោះទៅកាន់ស្រុកមេមត់ ខេត្តត្បូងឃ្មុំ ហើយរថយន្តទាំងនោះ ត្រូវបានគេស្គាល់យ៉ាងច្បាស់ថា ជារថយន្តរបស់ លោកធា និងលោកពក ដែលជាឈ្មួញរកស៊ីឈើខុសច្បាប់ យ៉ាងសកម្ម និងជាយូ យាណាស់មកហើយ នៅចំណុចដូចបានរៀបរាប់ជូនខាងលើនេះ។ 
គួរបញ្ជាក់ផងដែរថា ការធ្វើរចរាចរដឹកជញ្ជូនឈើខុសច្បាប់របស់ឈ្មួញ ទាំងពីរនាក់នោះ អាស្រ័យទៅបានដោយ រលូនយ៉ាងដូចច្នេះ ក៍ដោយសារតែ លោកឌី ណា ជាមន្ត្រីប៉ូលិសប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តក្រចេះ ចាំជួយមើលផ្លូវ ឲ្យពួកគេផងដែរ ចំណែកឯលោកសុខ គោ នាយសង្កាត់រដ្ឋបាលព្រៃឈើកន្តួតវិញនោះ គាត់មិនបានអើពើរជាមួយនឹងសកម្មភាព ដឹកជញ្ជូនឈើធ្នង់ខុសច្បាប់ របស់ក្រុមឈ្មួញទាំងនោះ ចេញពីដែនសមត្ថកិច្ច ដែលគាត់កំពុងតែគ្រប់គ្រងសព្វថ្ងៃនេះឡើយ ពីព្រោះ គាត់បានប្រគល់ភារកិច្ចទាំងនេះឲ្យទៅលោក ឌី ណា ជាមន្ត្រីប៉ូលិសប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តក្រចេះ សំរេចជំនួសគាត់អស់បាត់ទៅហើយ ។ ប្
រភព ដដែលបានបញ្ជាក់បន្ថែមទៀតថា ជារើយៗ ពួកគាត់តែងតែឃើញ លោកឌី ណា ដែលជា មន្ត្រីប៉ូលិសប្រឆាំងបទល្មើសសេដ្ឋកិច្ច នៃស្នងការដ្ឋាន នគរបាលខេត្តក្រចេះ បានទៅចត រថយន្តម៉ាក លុចស្សិស 330 របស់គាត់នៅក្បែរ សង្កាត់រដ្ឋបាលព្រៃឈើកន្តួត ជាពិសេស នៅពេលយប់យ៉ាងញឹកញាប់ ជាក់ស្ដែងគឺនៅយប់ថ្ងៃទី ៣១ខែ កក្ដដាឆ្នាំ២០១៤នេះ តែម្ដង ហើយពួកគាត់ក៍មិនបានដឹងច្បាស់ដែរថា តើ លោកឌី ណា និងលោក សុខ គោ បានទទួល នូវលៀបសការ:ពីឈ្មួញដែលរកស៊ីឈើខុសច្បាប់ទាំងពីរនាក់នោះបាន ចំនួន ប៉ុន្មាន រយ ឬក៏ប៉ុន្មានពាន់ ដុល្លាដែរ ទេ ក្នុងមួយខែៗ នោះ ។
ពាក់ពន្ធ័ទៅនឹងការចោតប្រកាន់ពីសំណាក់ប្រជាពលរដ្ឋនៅស្រុក ចិត្របូរីទៅលើលោកឌី ណា ដែលជាមន្ត្រីប៉ូលិសប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តក្រចេះ ថាមកចតរថយន្តនៅខាងមុខសង្កាត់រដ្ឋបាលព្រៃឈើកន្តួតជារៀងរាល់យប់ សំកុកចាំមើលផ្លូវឲ្យឈ្មួញដឹកឈើនិងចាំរាប់ក្បាលរថយន្ត ដឹកឈើចេញពីតំបន់នោះ យកតែលុយដោយគ្មានការ បង្ក្រាបយ៉ាងដូច្នោះ។ ភ្នាក់ងារ ការសែតកម្ពុជាថ្មី ប្រចាំខេត្តក្រចេះបានទូរស័ព្ទទៅសុំការបំភ្លឺពីគាត់ ក៍ប៉ុន្តែរទូរស័ព្ទរបស់គាត់ទំនាក់ទំនងមិនបាន៕
