ទីភ្នាក់ងារអាកាសធាតុជាតិជប៉ុនកាលពីថ្ងៃទី៨ ខែសីហា ឆ្នាំ២០១៤បាន ប្រកាសថា ខ្យល់ព្យុះកម្លាំងខ្លាំងមួយបាន បក់បោកឆ្ពោះទៅកាន់កោះ Kyushu ភាគខាងត្បូងជប៉ុន បង្កជាភ្លៀងធ្លាក់ខ្លាំង និងបាក់ដីផងដែរ ។ ខ្យល់ព្យុះ Halong មានល្បឿនខ្យល់១៩៨គីឡូម៉ែត្រក្នុង មួយម៉ោងអាចបក់បោកដល់តំបន់ភាគ ខាងត្បូងជប៉ុននៅថ្ងៃទី៩ ខែសីហា ។
ទីភ្នាក់ងារឧតុនិយមជប៉ុនបាន ទឹក ភ្លៀងបានធ្លាក់ក្នុងកម្ពស់១០០សង់ទីម៉ែត្រ ស្ថិតនៅលើកោះ Shikoku ភាគខាង កើតតំបន់ Kyushu ដែលទីនោះទើបតែ ទទួលរងការវាយប្រហារពីគ្រោះទឹកជំនន់ កាលពីសបា្ដហ៍មុនដោយខ្យល់ព្យុះផ្សេង មួយទៀតនោះ ។
លោក Hiroshi Sasaki ប្រធានក្រុម ព្យាករណ៍អាកាសធាតុបានធ្វើសន្និសីទ កាសែតថា “យើងបានស្នើសុំពលរដ្ឋឱ្យ ប្រុងប្រយ័ត្នខ្ពស់ចំពោះការបាក់ដីជាយថាហេតុ និងការភៀសខ្លួនទៅរកទីទួល សុវត្ថិភាពតាមតែអាចធ្វើទៅបាន” ។
ខ្យល់ព្យុះ Halong នេះបានបក់បោក ក្នុងល្បឿន៣០០គីឡូម៉ែត្រក្នុងមួយម៉ោងទៅដល់ភាគខាងត្បូង Kyushu នៅ វេលាម៉ោង៩(ម៉ោងនៅក្នុងតំបន់) និង បានបែរតម្រង់ទិសទៅកាន់ភាគខាងជើង ដោយល្បឿន១៥គីឡូម៉ែត្រក្នុង១ម៉ោង ។
ខ្យល់ព្យុះលាយឡំដោយភ្លៀងធ្លាក់ និង ខ្យល់បក់បោកខ្លាំងឆ្ពោះទៅកាន់កោះ ភាគខាងកើតអូគីណាវ៉ាកាលពីថ្ងៃទី៨ ខែ សីហា ប៉ុន្ដែរហូតមកដល់ពេលនេះមិន ទាន់មានសេចក្ដីរាយការណ៍អំពីការខូច ខាតនោះនៅឡើយទេ ។
ខ្យល់ព្យុះ HaLong បានបក់បោក មកដល់ ក្រោយមួយខែដែលខ្យល់ព្យុះ Neoguri បក់បោកធ្វើឱ្យស្លាប់មនុស្ស និងខូចខាតហេដ្ឋារចនាសម្ព័ន្ធនៅភាគ ខាងត្បូងរបស់ជប៉ុន ។ កាលពីសបា្ដហ៍ មុននេះ បុរសម្នាក់បានលង់ទឹកស្លាប់នៅ ក្នុងទន្លេ ខណៈដែលពលរដ្ឋជិតកន្លះលាន នាក់ត្រូវជម្លៀសឱ្យទៅរកទីសុវត្ថិភាព គេចពីខ្យល់ព្យុះ Nakri ដែលកំពុងតែ បក់បោកនោះ ៕
