ខ្សែប្រយុទ្ធក្លិបតោខៀវ Chelsea (ឆេលស៊ី) កីឡាករ Didier Drogba (ឌីឌីយេ ដ្រុកបា) អាច នឹងខកខានមិនបានចូលលេងក្នុងការប្រកួតបើករដូវកាលថ្មីបន្ទាប់ពីរូបគេបានរបួសកជើងក្នុងការប្រកួតលក្ខណៈមិត្តភាពអន្តរជាតិជាមួយក្លិប Ferencvaros (ហ្វេរ៉េនវ៉ារូស) កាលពីយប់ថ្ងៃអាទិត្យនេះ ។ កីឡាករសញ្ជាតិកូឌីវ័ររូបនេះបានផ្លាស់មកលេងឲ្យ Chelsea (ឆេលស៊ី) វិញកាលពីខែមុន ដោយបានចុះកិច្ចសន្យារយៈពេលតែ១ឆ្នាំប៉ុណ្ណោះ ។
កីឡាករវ័យ៣៦ឆ្នាំរូបនេះត្រូវបានប្តូរចេញពីទីលាននៅនាទីទី២៨នៃតង់ទី១ហើយបច្ចុប្បន្នរូបគេកំពុងតែសម្រាកព្យាបាលរបួសនេះប៉ុន្តែក្រុមគ្រូពេទ្យមិនបានប្រាប់ពីរយៈពេលនៃការព្យាបាលនោះទេ ។ គួរបញ្ជាក់ថា Chelsea (ឆេលស៊ី) នឹងត្រូវប្រកួតបើករដូវកាលថ្មីរបស់ខ្លួនជាមួយក្លិប Burnley (ប៊ឺនលី) នៅចុងសប្តាហ៍នេះ ៕
