ក្រុមអ៊ិស្លាមដែលកំពុងតែគ្រប់គ្រងតំបន់មួយចំនួននៅក្នុងប្រទេសអ៊ីរ៉ាកដែលហៅកាត់ថាISILបានឡើងគម្រោងពង្រីកការធ្វើសង្គ្រាមអទិទេពរបស់ខ្លួនទៅលើតំបន់ស៊ីនជាំងប្រទេសចិន បង្ករឲ្យមានការព្រួយបារម្ភយ៉ាងខ្លាំងពីអំពើហឹង្សា ដែលកាន់តែកើនឡើងខ្ពសើនៅទីនោះស្រាប់ហើយ។ បច្ចុប្បន្នក្រុមISIL កំពុងប្រឈមនិងការវាយប្រហារយ៉ាងខ្លាំងពីអាមេរិកនៅតាមដែនអាកាស់ ដើម្បីការពារពលរដ្ឋអាមេរិកនិងជនជាតិភាគតិចនៅទីនោះ។
ការវាយប្រហារនាពេលនេះជាការខិតខំយ៉ាងខ្លាំងរបស់ទីក្រុងវ៉ាស៊ីនតោនក្នុងការទប់ស្កាត់ការសម្លាប់រង្គាលរបស់ក្រុម អ៊ីស្លាមនៅអ៊ីរ៉ាក់។ កាលពីថ្ងៃទី៤ខែកក្កដា មេដឹកនាំក្រុមISIL លោកAbu Bakr Al-Baghdadi បានផ្សព្វផ្សាយនៅឃ្លីបវីដីអូមួយអំពាវនាវឲ្យក្រុមយុវជនចូលរួឲ្យបានច្រើនជាងនេះដើម្បីជាការសងសឹកទៅនឹងអ្នកណាដែលដណ្តើមយកផលប្រយោនជ៍របស់ជនជាតិអ៊ីស្លាមនៅ២០ប្រទេសជុំវិញពិភពលោក ក្នុងនោះមានចិនស្ថិតនៅទីតាំងដំបូងគេបង្អស់ដែលក្រុម អ៊ីស្លាមត្រូវតែវាយប្រហារ។បន្ទាប់មកគឺនៅក្នុងប្រទេស ឥណ្ឌារ ប៉ាឡេស្ទីន ស៊ូម៉ាលី ឧប្បទ្វីអារ៉ាប ជាដើម។
មេដឹកនាំ ISIL បញ្ចាក់ទៀតថា «យើងនឹងសងសឹកបើទោះចំណាយរយៈពេលយូក៏ដោយ អ្នកណាដែលប្រឆាំងទៅនឹងសាសនិកអ៊ីស្លាមនឹងត្រូវដាក់ទោះដោយគ្មានការអាណិតអាស៊ូរ»។ នៅក្នុងឃ្លីបវិដីអូនោះ មេដឹកនាំអ៊ីស្លាមក៏បានលើកឡើងពីប្រទេសចិន និងដំបន់ស៊ីនជាំង ដោយរិះគន់យ៉ាងខ្លាំងទៅនឹងគោលនយោបាយរបស់រដ្ឋាភិបាលទីក្រុងប៉េកាំងទៅលើជនជាតិអ៊ីស្លាមនៅក្នុងដំបន់ស្វយ័ត។ លោកបានអំពាវនាវដល់ជនជាតិអ៊ីស្លាមទាំងអស់នៅក្នុងប្រទេសចិនក្រោកឈរឡើងតស៊ូនឹងស្មោះត្រងជាសាសនារបស់ខ្លួនប្រឆាំងទៅលើភាពអយុត្តិធម៌។ តំបន់ស៊ីនជាំងជាទីកន្លែងរស់នៅរបស់ជនជាតិអ៊ុយហ្គរ កាន់សាសនាអ៊ីស្លាម។
ក្រុមនេះបានចោទប្រកាន់ដ្ឋាភិបាលចិនថារំលោភបំពាន់សិទ្ធសេរីភាពជំនឿសាសនានិងវប្បធម៌របស់ពួកគត់។ផ្ទុយទៅវិញរដ្ឋាភិបាលទីក្រុងប៉េកាំងបានចោទប្រកាន់ទម្លក់កំហុសទៅឲ្យក្រុមនេះថាបានបង្កើតសកម្មភាពវាយប្រហារភេរវកម្មជាច្រើនរយៈពេលកន្លងមក។ សារព័ត៌មានស៊ីនហួរបានផ្សព្វផ្សាយថា នៅថ្ងៃទី១០ខែស៊ីហារជនល្មើស១៨នាក់បានចេញមុខសារភាពនៅពេលដែលប៉ូលិសបើកការស្រាវជ្រាវពីសកម្មភាពវាយប្រហារភេរវកម្មកន្លងមកសម្លាប់មនុស្សជាច្រើន។ កាលពីឆ្នាំ២០០៩ ក៏មានហេតុការវាយប្រហារសម្លាប់មនុស្ស១៩៧នាក់និង១៧០០នាក់រងរបួស៕
