កំពង់ធំ៖ បុរសញៀនស្រាម្នាក់ចងកសម្លាប់ខ្លួន បង្កការភ្ញាក់ផ្អើល ។ហេតុការណ៍ខាងលើនេះកើតឡើងនៅថ្ងៃទី០៨ ខែមិថុនា ឆ្នាំ២០២១ វេលាម៉ោង៨.៥០នាទី នៅភូមិបន្ទាយស្ទោង ឃុំបន្ទាយស្ទោង ស្រុកស្ទោង ខេត្តកំពង់ធំ។
សមត្ថកិច្ចបានឲ្យដឹងថាជនរងគ្រោះឈ្មោះ ភន ផៃ ភេទប្រុស អាយុ៥៤ឆ្នាំ ជនជាតិខ្មែរ នៅភូមិបន្ទាយស្ទោង ឃុំបន្ទាយស្ទោង ស្រុកស្ទោង ខេត្តកំពង់ធំ។ តាមការបំភ្លឺពីឈ្មោះ ភន ប៉ៃ ជាបងស្រីបង្កើតរបស់សពបានបញ្ជាក់ថា ឈ្មោះ ភន ផៃ បានលែងលះជាមួយប្រពន្ធ ហើយបានមករស់នៅជាមួយគាត់រយ:ពេល ២៧ឆ្នាំមកហើយ និងជាមនុស្សញៀនស្រា នៅថ្ងៃទី ០៨ ខែមិថុនា ឆ្នាំ២០២១វេលាម៉ោងប្រហែល៧៖០០នាទី ឃើញឈ្មោះ ភន ផៃដើរទៅមកៗនៅផ្ទះ លុះដល់ម៉ោងប្រហែល ៨៖៣០នាទីស្រាប់តែមានគេមកប្រាប់ថា ឃើញ ឈ្មោះ ភន ផៃ ចងកនិងដើមស្វាយចន្ទីស្លាប់ទៅហើយ ភ្លាមនោះគាត់បានរាយការណ៍ជូនសមត្ថកិច្ចប៉ុស្តិ៍បន្ទាយស្ទោងតែម្តង។
ក្រោយពីទទួលព័ត៌មានកម្លាំងសមត្ថកិច្ចជំនាញស្រុក ប៉ុស្តិ៍នគរបាលរដ្ឋបាល សហការជាមួយអាជ្ញាធរមូលដ្ឋានចុះដល់កន្លែងកើតហេតុ ។ការពិនិត្យសពមិនមានស្លាកស្នាមអ្វីគួរឲ្យកត់សម្គាល់ឡើយ យោងតាមការពិនិត្យកន្លែងកើតហេតុ និងសាកសពយើងសន្និដ្ឋានសពស្លាប់ បណ្ដាលមកពីធ្វើអត្តឃាត(ចងក) មិនពាក់ព័ន្ធនិងបទល្មើសព្រហ្មទណ្ឌឡើយ ៕
