កំពង់ស្ពឺ ៖ មុខសញ្ញាជួញដូរ និងប្រើប្រាស់គ្រឿងញៀន ដ៍សកម្មម្នាក់ ត្រូវបានសមត្ថកិច្ចនគរបាល ស្រុកសំរោងទងបង្ក្រាប បន្ទាប់ពីជនធ្លាប់ជាប់គុកម្តងរួចមកហើយ កាលពីអំឡុងឆ្នាំ២០១៣ ពាក់ព័ន្ធករណីជួញដូរ ប្រើប្រាស់គ្រឿង ប៉ុន្តែក្រោយពេលដោះលេងឱ្យក្រៅឃុំ មិនព្រមកែខ្លួន
ទៅប្រព្រឹត្តបទល្មើសដដែរ ទើមតត្រូវជាប់ខ្នេះម្តងទៀតបែបនេះ ។
សកម្មភាពបង្ក្រាបជនប្រើប្រាស់ និងជួញដូរសារធាតុញៀន ដោយខុសច្បាប់នេះ កើតមានឡើងកាលពីវេលាម៉ោង ១៦ និង ២៣ នាទីល្ងាច ថ្ងៃទី១១ ខែសីហា ឆ្នាំ២០១៤ ស្ថិតក្នុងភូមិចំបក់ ឃុំវល្លិស ស្រុកសំរោងទង ខេត្តកំពង់ស្ពឺ ។ ជនសង្ស័យត្រូវបានប៉ូលិសប្រាប់ឱ្យដឹងថា មានឈ្មោះសោម ជីវ័ន្ត ហៅប្រុស អាយុ ៣២ ឆ្នាំ រស់នៅភូមិ-ឃុំខាងលើ ។
លោកវរៈសេនីយ៍ត្រីឃុត សុផល អធិការនគបាល ស្រុកសំរោងទង បានប្រាប់ថា ជនសង្ស័យម្នាក់នេះជាមុខសញ្ញាចាក់ ពាក់ព័ន្ធនឹងបទល្មើសចែកចាយ និងប្រើប្រាស់គ្រឿងញៀនយ៉ាងសកម្ម ក្នុងខេត្តកំពង់ស្ពឺ ហើយកន្លងមកសមត្ថកិច្ចធ្លាប់បង្ក្រាបបានបញ្ជូនទៅកាន់តុលាកា ធ្វើការចោទប្រកាន់រួចឃុំខ្លួនក្នុងព័ន្ធនាគាម្តងដែរ ប៉ុន្តែជននេះមិនរៀងចាល កែខ្លួនជាមនុស្សល្អក្នុងសង្គមបែបជាទៅប្រព្រឹត្តខុសច្បាប់រកស៊ីលក់ ព្រមទាំងប្រើប្រាស់គ្រឿងញៀនគ្មានញញើតច្បាប់ឡើយ ។ លោកបន្តថា ក្នុងករណីបង្ក្រាបខាងលើនេះបក្ខពួករបស់វាម្នាក់ទៀត បានរត់គេចខ្លួនបាត់ ប៉ុន្តែសមត្ថកិច្ចជំនាញកំណត់អត្តមុខសញ្ញាអស់ហើយ ។
លោកបន្តថា មុនពេលកើតសមត្ថកិច្ច បានដាក់កំលាំងតានដានជនសង្ស័យឈ្មោះសោម សាវ័ន្ត ហៅប្រុស និងបក្ខពួករបស់គេរហូតឈានដល់ការបង្ក្រាបនិងឆែកឆេក្នុងផ្ទះជនសង្ស័យដកហូតមានសម្ភារៈបានមួយចំនួនដែលមានការពាកព័ន្ធនឹងការជួញដូរគ្រឿងញៀន និងប្រើប្រើដោយខុសច្បាប់តែម្តង ។
សមត្ថកិច្ចនគបាលបានបញ្ជាក់ថា ក្រោយពីចាប់ខ្លួន ជនសង្ស័យរូបនេះ បានឆ្លើយសារភាពថា ខ្លួនពិតជាមានការពាក់ព័ន្ធក្នុងរឿងចែកចាយគ្រឿងញៀនមែន មិនតែប៉ុណ្ណោះបានលួចលាក់អាចុធខ្លីមួយដើមទៀតផង ។ សមត្ថកិច្ចបានបន្តថា ពេលនេះកំលាំងជំនាញកំពុងរៀបចំចុះទៅធ្វើការចែកឆេ និងរុកអាវុធដែលជនសង្ស័យយកទៅលាក់ទុកដោយខុសច្បាប់នោះ ។
ប្រជាពលរដ្ឋ និងសសមត្ថកិច្ចបានអះអាងថា មុខសញ្ញាណឈ្មៅ សា វ័ន្ត នេះជាអ្នកចែកចាយ និងប្រើប្រាស់គ្រឿងញៀនយ៉ាងសកម្មក្នុងខេត្តកំពង់ស្ពឺ មិនតែ ប៉ុណ្ណោះសូម្បីក្មេងនៅក្នុងភូមិក៍ពង្វក់ឱ្យជក់ស្ទើរគ្រប់គ្នា ហើយពេលចាប់បានបញ្ជូន ទៅ ដាក់ គុកមិនបានយូខែឡើយ ត្រូវដោះលេងវិញយ៉ាងរំភើយ ។ ពួកគាត់សុំ ឱ្យ សមត្ថកិច្ចដាក់ទោសជននេះឱ្យបានធ្ងន់ធ្ងរបន្តិច ព្រោះបញ្ហាគ្រឿងញៀនកំពុងវាយ លុក ក្នុងស្រទាប់យុវ័យធ្វើភ្លើតភ្លើន ព្រមទាំងបំផ្លាញអនាគត់ពួកគេផងដែរ ។
បច្ចុប្បន្នសមត្តកិច្ចកំពុងតែរៀបចំក៍សាងសំណុំរឿងបញ្ជូនទៅកាន់តុលាកា និងបន្តនិតិវិធីស្រាវជ្រាវ អ្នកពាក់ព័ន្ធ និងរុករកកាំភ្លើងខុសច្បាប់ដែលជនសង្ស័យបានលាក់ទុកនោះ ៕
