កំពង់ស្ពឺ=ជនសង្ស័យ៤នាក់ដែលបានប្រើប្រាស់និងចែកចាយគ្រឿងញៀនយ៉ាងសកម្មក្នុងមូលដ្ឋានត្រូវបានប៉ូលីស៏ស្រុកសំរោងទងធ្វើការបង្ក្រាបបានខណះពួកគេកំពង់ប្រើប្រាស់នៅផ្ទះជនសង្សយ័ ទី១.ឈ្មោះ ហេង សៀង ប្រុសអាយុ២១ ឆ្នាំ ទី.២ឈ្មោះ គង់ ប៊ុនធឿន ប្រុសអាយុ ២១ឆ្នាំ ទី៣ឈ្មោះ ឈិត វិឆយ័ ហៅអាញ៉ាញ់ ប្រុសអាយុ ២៦ ឆ្នាំ អ្នកទាំង៣រស់ក្នុងភូមិ ព្រៃផ្តៅ ឃុំត្រពាំងគងស្រុកសំរោងទង ខេត្តកំពង់ស្ពឺ ទី៤ ឈ្មោះ យ៉ាត ប៊ុនប្រុសអាយុ ២៤ឆ្នាំរស់នៅភូមិ ដកពរ ឃុំវល្ល័ ស ស្រុកសំរោងទងខេត្តកំពង់ស្ពឺ អ្នកទាំង៤ត្រូវបាន សមត្ថកិច្ចធ្វើការចាប់ឃាត់ខ្លួនបានជា បន្តបន្ទាប់ ព្រមទាំងដកហូតបាននៅគ្រឿងញៀនប្រភេទម៉ាទឹកកកបានចំនួន១៣ កញ្ចប់ និងឧបករណ៍ឆ្នៃជក់មួយចំនួនធំ ។
ជនសង្សយ័បានបញ្ជូនមកកាន់ការិយាល័យនគរបាលជំនាញដើម្បី ធ្វើការសួនាំជាប់ពាក់ព័ន្ធក្នុងករណីប្រើប្រាស់ និងជួញដូរគ្រឿងញៀនខុសច្បាប់ ។ លោក វរសេនីយ៍ត្រី ឃុត សុផល អធិការស្រុកសំរោងទង បានឲ្យ ដឹងថា ដោយអនុវត្តជាប្រចាំតាមការយកចិត្តទុកដាក់ខ្ពស់ពីសំណាក់លោកឩ ត្តមសេនីយ៍ ស្នងការនគរបាលខេត្តកំពង់ស្ពឺ ក៏ដូចជាដើម្បីធ្វើឲ្យការអនុវត្តនូវគោលនយោបាយភូមិឃុំមានសុវត្ថិភាព ឲ្យកាន់តែមានប្រសិទ្ធភាពខ្ពស់ផងនោះ លោកបានដឹកនាំជំនាញចុះប្រត្តិការបង្ក្រាបនៅតាមគោលដៅដែលសង្សយ័មានករណីប្រើប្រាស់និងចែកចាយគ្រឿងញៀន។
ជាក់ស្តែង កាលពីថ្ងៃទី១២ ខែសីហា ឆ្នាំ២០១៤ កន្លងទៅកម្លាំងនៃអធិការដ្ឋាននគរបាលស្រុក សហការជាមួយកម្លាំងប៉ុសិ៍្តនគរបាលរដ្ឋបាលប៉ុស្តិ៏ត្រពាំងគង បានធ្វើការតាមដានស្រាវជ្រាវ និងឈានដល់ការបង្ក្រាបចាប់ឃាត់ខ្លួនជនសង្ស័យបានចំនួន៤នាក់នេះបាននៅក្នុង ភូមិព្រៃ ផ្តៅ ឃុំត្រពាំងគង ស្រុកសំរោងទង ខេត្តកំពង់ស្ពឺ។
ក្នុង កិច្ចចុះប្រតិបត្តិការណ៍ខាងលើសមត្ថកិច្ចបានបន្តឲ្យដឹងទៀតថា បន្ទាប់ពីសមត្ថកិច្ចជំនាញបានធ្វើការចាប់ឃាត់ខ្លួនជនសង្ស័យទាំងអស់ បានហើយនោះ នៅចំពោះមុខសមត្ថកិច្ចជនសង្ស័យបានឆ្លើយសារភាពថាពួកគេពិតជាបាន ប្រព្រឹត្តនៅករណីទាំងអស់ខាងលើពិតប្រាកដមែន។ ករណីជួញដូរគ្រឿងញៀនបានក្លាយជាប្រធានបទយ៉ាងរសើបនាពាក់កណ្តាលឆ្នាំ២០១៤នេះដោយសារតែគ្រឿងញៀនបានហក់ចូល
វាយលុកទីផ្សាតាមជនបទដោយបានពង្វក់ក្រុមក្មេងៗតាមភូមិឲ្យក្លាយក្មេងញៀនថ្នាំវង្វេងវង្វាន់បាត់បង់ស្មារតី និងងាយក្លាយខ្លួនទៅជាជនល្មើស ថែមទាំងបង្កអស្ថេរភាពក្នុងមូលដ្ឋាន យ៉ាងធ្ងន់ធ្ងរ។ ជាញឹកញាប់ជនជួញដូរគ្រឿងញៀនមួយតែងត្រូវបានដោះលែងឲ្យនៅក្រៅសំណាញ់ច្បាប់ដោយសារតែមូលថាជន នោះជាជនរងគ្រោះដោយសារគ្រឿង ញៀងទៅវិញ ។ បច្ចុប្បន្ន ជនសង្ស័យទាំង៤នាក់ត្រូវបានសមត្ថកិច្ចកសាងសំណុំរឿងបញ្ជូនទៅកាន់ស្នងការខេត្ត ដើម្បីចំណាត់ការទៅតាមផ្លូវច្បាប់ ៕
