ឧទ្ធម្ភាគចក្រដឹកជំនួយមនុស្សធម៌ ដែលបានដឹកតំណាងរាស្ដ្រស្រីអ៊ីរ៉ាក់មួយ រូបជួបគ្រោះថ្នាក់កាលពីថ្ងៃទី១២ ខែ សីហា បណ្ដាលឱ្យលោកស្រីតំណាងរាស្ដ្រ រងរបួស ។ អ្នកនាំពាក្យកម្លាំងទាហានអ៊ីរ៉ាក់បាន ឱ្យដឹងថា អាកាសយានឹកបានបាត់បង់ ជីវិតនៅពេលឧទ្ធម្ភាគចក្រដឹកលើស ចំណុះ ហើយជួបគ្រោះថ្នាក់ពេលហោះ ហើរនៅលើកំពូលភ្នំ Sinjar ។ សារព័ត៌ មានញូវយ៉កថាម បានផ្សព្វផ្សាយថា អ្នកសារព័ត៌មានមួយរូបដែលធ្វើដំណើរ ជាមួយលោកស្រីតំណាងរាស្ដ្រ ក៏រង របួសជាទម្ងន់ផងដែរ ប៉ុន្ដែមិនប៉ះពាល់ ដល់អាយុជីវិតនោះឡើយ ។
ក្នុងថ្ងៃជាមួយគ្នានោះដែរ អគ្គលេខា ធិការអង្គការសហប្រជាជាតិ លោកបាន គីមូន បានអំពាវនាវដល់បណ្ដាប្រទេស នៅជុំវិញពិភពលោកជួយដល់ក្រុមជន ជាតិ Yazidi និងជនជាតិដទៃទៀតដែល កំពុងភៀសខ្លួននៅលើកំពូលភ្នំ Sinjar ប្រឈមនឹងការខ្វះខាតស្បៀងអាហារ ថ្នាំ សង្កូវយ៉ាងខ្លាំង ។ លោកបាន គីមូន បានព្រមានដល់ កម្លាំងសន្ដិសុខអ៊ីរ៉ាក់មិនត្រូវជ្រៀតជ្រែក ក្នុងវិបត្ដិនយោបាយនោះឡើយ ដោយ ចាប់ផ្ដើមចេញពីការតែងតាំងនាយក រដ្ឋមន្ដ្រីថ្មីនៅក្នុងប្រទេសនេះ។ ឆ្លើយតប នឹងបទសម្ភាសន៍របស់ក្រុមអ្នកសារព័ត៌ មាន លោកបាន គីមូនបញ្ជាក់ថា កម្លាំង សន្ដិសុខត្រូវតែស្ថិតនៅស្ងៀមស្ងាត់ មិន ត្រូវជ្រៀតជ្រែកក្នុងកិច្ចការនយោបាយ នោះឡើយ ។
នៅថ្ងៃទី១២ ខែសីហា នោះដែរ អនុ ប្រធានាធិបតីអាមេរិកលោកចូ បាដែន បានជំរុញដល់ប្រធានាធិបតីតំបន់ស្វយ័ត ជនជាតិឃើដ នៅអ៊ីរ៉ាក់ លោក Masoud Barzani សហការជាមួយនាយករដ្ឋ មន្ដ្រីដែលទើបតែងតាំងថ្មី លោកHaider al Abadi ក្នុងការបង្កើតរដ្ឋាភិបាល បង្រួបបង្រួមដោះស្រាយវិបត្ដិនយោ បាយនៅក្នុងប្រទេស ។ ក្នុងថ្ងៃជាមួយគ្នានោះដែរ អគ្គលេខា ធិការសម្ព័ន្ធអារ៉ាប់ និងព្រះមហាក្សត្រ អារ៉ាប៊ីសាអ៊ូឌីតបានអបអរសាទរដល់ ការតែងតាំងនាយករដ្ឋមន្ដ្រីថ្មី ដោយ អារ៉ាប់សង្ឃឹមថា នឹងជួយបញ្ចប់វិបត្ដិ នាពេលបច្ចុប្បន្ន
