ភ្នំពេញ៖ម៉ូតូហុងដាឌ្រីមសេ១២៥ពីគ្រឿងបុកគ្នាយ៉ាងពេញទំហឹងបណ្ដាលឲ្យបុរស២នាក់រងរបួសយ៉ាងធ្ងន់និងបុរស២នាក់ទៀតរងរបួសស្រាល កើតឡើងនៅវេលាម៉ោង៨និង៣០នាទីយប់ ថ្ងៃទី១៣ ខែសីហា ឆ្នាំ២០១៤ ស្ថិតនៅតាមបណ្ដោយផ្លូវលេខK5កែងនិងផ្លូវបត់ចូលបុរីបៃតង់ ស្ថិត
ក្រុម១៤ឃុំទួលសង្កែរ សង្កាត់ទួលសង្កែរ ខណ្ឌឫរស្សីកែវ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេបានឃើញម៉ូតូម៉ាកហុងដាឌ្រីមសេ១២៥សេរី២០០៧មួយគ្រឿង ពណ៌ខ្មៅ ពាក់ស្លាកលេខភ្នំពេញ1R3678 បើកបរដោយបុរស២នាក់ ធ្វើដំណើរតាមបណ្ដោយផ្លូវK5ពីកើតទៅលិចក្នុងស្ថានភាពស្រវឹង ជិះយ៉ាងលឿនហើយរ៉េចង្កូតពេញផ្លូវ ខណៈមកដល់ចំណុចកើតហេតុក៏រ៉េចង្កូតទៅបុកជាមួយនិងម៉ូតូម៉ាកហុងដាឌ្រីមសេ១២៥សេរី២០០៩មួយគ្រឿងពណ៏ខ្មៅពាក់ស្លាកលេខកណ្ដាល1E6063បើកបរដោយបុរស២នាក់ ធ្វើដំណើរតាមបណ្ដោយផ្លូវលេខk5ក្នុងទិសដៅពីលិចទៅកើត យ៉ាងពេញទំហឹងបណ្ដាលឲ្យម៉ូតូភាគីទាំងសង់ខាងរងការខូចខាចយ៉ាងខ្លាំង ហើយបុរសអ្នកបើកម៉ូតូភាគីទាំងសង់ខាងរងរបួសយ៉ាងធ្ងន់ដេកក្នុងផ្លុកឈាមនៅកណ្ដាលផ្លូវឯអ្នករួមដំណើរជាមួយភាគីទាំងសង់ខាងរងរបួសស្រាល។ភ្លាមៗនោះបុរសអ្នករួមដំណើរភាគីម៉ូតូហុងដាឌ្រីមសេរី២០០៩បានcallហៅបងប្អូនមក ប្រហែលជា១៥នាទីបងប្អូនរបស់គាត់បានមកដោយហើយបានយកបុរសអ្នកបើកម៉ូតូនោះដាក់រ៉ឺកម៉ក់កង់៣យកទៅសង់គ្រោះនៅមន្ទីរពេទ្យដោយខ្លួនឯង រីឯភាគីម៉ូតូហុងដាឌ្រីមសេរី២០០៧នៅដេកក្នុងផ្លុកឈាមប្រហែល១ម៉ោងទើបរថយន្ដសាមុយមកទទួលយកទៅសង់គ្រោះនៅមន្ទីរពេទ្យនិងអ្នករួមដំណើរជាមួយក្នុងហេតុការណ៏នោះក៏រត់គិចខ្លួនបាត់ស្រមោល។
ក្រោយពេលកើតហេតុសមត្ថកិច្ចបានចុះមកធ្វើការវាស់វែងនៅកន្លែងកើយហេតុនិងរក្សាទុកម៉ូតូទាំងពីគ្រឿងនៅស្នង់ការដ្ឋានចរាចរណ៏ជើងគោករាជធានីភ្នំពេញ រងចាំធ្វើការដោះស្រាយនៅពេលក្រោយ។
