រថយន្តកុងតឺន័រក្រុមហ៊ុនសេងសុភាដាច់កន្ទុយក្រឡាប់ផ្ងារជើងច្រងាងនៅជិតផ្សារប៉េសេ

ភ្នំពេញ៖ រថយន្តកុងតឺន័ររបស់ក្រុមហ៊ុនសេងសុភាមួយគ្រឿងបើកលឿនបានដាច់កន្ទុយក្រោយធ្លាក់ផ្លូវក្រឡាប់ផ្ងារជើងប្រងាងនៅ ខាងលិចផ្សារ​ប៉េសេ  កាលពីវេលាម៉ោង ៤និង៥០នាទី ទាបភ្លឺ ថ្ងៃទី១៤ ខែសីហា ឆ្នាំ២០១៤

តាម​បណ្តោយ​​​​ផ្លូវ​លេខ​៣៧១ ស្ថិតក្នុងសង្កាត់ បឹងទំពុង ខណ្ឌមានជ័យ សំណាងល្អមិនបង្ក​ឲ្យនរណាម្នាក់​រងរបួស​និង​ខូចខាតទ្រព្យសម្បត្តិនោះទេ។

            តៃកុងរថយន្តត្រូវបានគេស្គាល់ឈ្មោះសួន  ចាន់ថន ភេទប្រុស អាយុ២៤ឆ្នាំ មានស្រុកកំណើតនៅភូមិ ​ទ្រាំង ឃុំភូមិធំ ស្រុកគៀនស្វាយ ខេត្តកណ្តាល ។

            តាមសំដីឈ្មោះសួន ចាន់ថន ដែលជាតៃកុង បានឲ្យដឹងថា មុនពេលកើតហេតុរួបគេបានបើករថយន្តកុង​តឺន័រមួយគ្រឿងពណ៌ ខៀវ ពាក់ស្លាកលេខ ភ្នំពេញ3A-2084 ដោយផ្ទុកឥដ្ឋការរ៉ូពេញរថយន្ត ហើយដឹកពី​ស្រុក​គៀន​​ស្វាយ បំណងយកទៅដាកនៅក្រុមហ៊ុន សេង សុភា នៅម្តុំស្ទឹងមានជ័​យ ដោយធ្វើដំណើរ​ឆ្លងកាត់​ផ្លូវលេខ​៣៧១​ក្នុងទិសដៅពីកើតទៅលិច ខណៈមកដល់ចំណុចខាងលិចផ្សារប៉េសេ រថយន្តបានដាច់កន្ទុយក្រោយ ធ្វើឲ្យរ៉េធ្លាកផ្លូវក្រឡាប់ផ្ងារជើងច្រងាង់តែម្តង តែសំណាងល្អមិនបង្កឲ្យក្នរណាម្នាក់​ រងរបួសរឺខូច​ខាតដល់​ទ្រព្យ​សម្បត្តិ​​​​ ដល់ប្រជាពលរដ្ឋដែលនៅក្បែរនោះទេ។

            ក្រោយពេលកើតហេតុសមត្ថកិច្ចបានចុះមកដល់ចំណុចកើតហេតុពិនិត្យជាក់ស្តែងដោយមិនមានខូចខាត​ដល់ទ្រព្យសម្បត្តិរដ្ឋនិងប្រជាពលរដ្ឋក៏ប្រគល់ឲ្យម្ចាស់ស្ទួចយករថយន្តទៅវិញផងដែរ ៕ ប៊ុនធី