កណ្តាល ៖ ក្មេងស្រីអាយុ១១ឆ្នាំម្នាក់បានរួចផុតពីសេចក្តីស្លាប់ខណះពេលដែលក្មេងស្រីរងគ្រោះម្នាក់នេះលុងទឹកបឹង ត្រូវបានប្រជាពលរដ្ឋប្រទះឃើញហើយជួយសង្គ្រោះបានទាន់ពេលវេលា ។ ក្មេងស្រីលង់ទឹកបឹងកើតឡើងនៅវេលាម៉ោង៨ និង៣០នាទីថ្ងៃទី១៤ ខែសីហា ឆ្នាំ២០១៤ ចំណុចភូមិរទាំង ឃុំភូមិធំ ស្រុកកៀនស្វាយ ខេត្តកណ្តាល ។ តាមការរៀបរាប់របស់អ្នកស្រុកតំបន់នោះបានឲ្យដឹងថា ក្មេងស្រីរងគ្រោះឈ្មោះ ជ័យ ធារ៉ា ភេទស្រី អាយុ១១ឆ្នាំ នៅរៀងរាល់ថ្ងៃគេតែងតែទោចុះហែលទឹកបឹងលេងរាល់ថ្ងៃ ។
រីឯឪពុកម្តាយមិនដឹងនោះទេ ព្រោះពូកគាត់រវល់ទៅស៊ីឈ្នួលឲ្យគេនៅឆ្ងាយពីផ្ទះ ។ ប៉ុន្តែនៅព្រឹកម៉ិញនេះក្មេងស្រីរូបនេះបានចុះលេងហែលទឹកលេងបានទាក់ជើងនឹងសារាយ ក៏លុងទឹកតែម្តង ។ ក្នុងពេលនោះសំណាងល្អដែលត្រូវបានប្រជាពលរដ្ឋធ្វើដំណើរតំបន់ក្បែរនោះចុះជួយស្រង់ទាន់កុំអីស្លាប់បាត់បង់ជីវិតបាត់ទៅហើយ ។ បច្ចុប្បន្នក្មេងស្រីរងគ្រោះបានអ្នកស្រុកបញ្ចូលទៅសង្គ្រោះនៅមន្ទីរពេទ្យបង្អែកស្រុកកៀនស្វាយរួចផុតពីសេចក្តីស្លាប់ ៕
