កំពង់ធំ=ស្រ្តីវ័យចំណាស់ម្នាក់ជាមនុស្សញៀនស្រាទៅលេងផ្ទះក្មួយនៅភូមិអាចារ្សលាក់ឃើញអាកុលនៅក្នុងដបក្រោមគ្រែគិតថាស្រា.ស.យកមកផឹកអស់១ដបទោះជាក្មួយស្រែកប្រាប់ថា អាកុលទេក៏នៅតែមិនស្តាប់ ផឹករហូតអស់១ដប ក៏អាការ:មិស្រួលវិលមុខ ដួលបោកក្បាលថ្ងារក្រោយបណ្តាលឲ្យដាច់ខ្យល់ស្លាប់តែម្តងហេតុការណ៍នេះសម្ថកិច្ចដឹងហេតុនៅថ្ងៃទី 17 ខែកក្កដា ឆ្នាំ 2021 វេលាម៉ោង 8;00 នាទីព្រឹក នៅចំណុចផ្ទះរបស់ឈ្មោះកែន ចន្ថា ភេទស្រី អាយុ 52 ឆ្នាំ ភូមិអាចារ្យលាក់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ
– សពជនរងគ្រោះឈ្មោះគុយ មី ភេទស្រី អាយុ 73 ឆ្នាំមុខរបរមិនពិតប្រាកដរស់នៅភូមិរន្ទះ ឃុំទំរីង ស្រុកសណ្ដាន់ ខេត្តកំពង់ធំ។
+ តាមការបំភ្លឺពីឈ្មោះមិញ លាត ភេទ ស្រីអាយុ 25 ឆ្នាំជាកូនបង្កើតរបស់សព
បានបញ្ជាក់ថា៖នៅថ្ងៃទី15 ខែកក្កដាឆ្នាំ2021គាត់និងម្តាយឈ្មោះ គុយ មី ( សព ) បានមកលេងក្មួយស្រីឈ្មោះ ធួន ស្រីឡី អាយុ16ឆ្នាំ ដែលមកស្នាក់នៅរៀនសូត្រនៅផ្ទះរបស់ឈ្មោះកែន ចន្ថា ភេទស្រី នៅភូមិអាចារ្យលាក់ សង្កាត់អាចារ្យលាក់
ក្រុងស្ទឹងសែន ខេត្តកំពង់។ ជាក់ស្ដែងនៅថ្ងៃទី 17 ខែឆ្នាំដដែល
វេលាម៉ោង 8:00 ព្រឹក គាត់បានឃេីញម្ដាយ(សព) ដេីរទៅយកទឹកអាកុលដែលច្រកក្នុងដបទឹកសុទ្ធចំណុះកន្លះលីត្រ ដែលទុកនៅក្រោមគ្រែមកកាន់ ឃេីញដូច្នោះគាត់បានស្រែកប្រាប់ថាកុំផឹក អាកុលទេប៉ុន្តែម្តាយគាត់មិនស្តាប់ ដោយសារគាត់ញៀនស្រាហើយគាត់ក៍លេីកផឹកអស់ចំនួន០១ដប ភ្លាមនោះបណ្ដាលឱ្យគាត់ចុកឆ្អល់បែកពពុះមាត់ ឃើញដូច្នេះឈ្មោះកែន ចន្ថា ជាម្ចាស់ផ្ទះបានរាយការណ៍ជូននគរបាលប៉ុស្តិ៍ និងបានទាក់ទងរាយការណ៍ជូនពេទ្យមណ្ឌលសុខភាពមកជួយសង្គ្រោះ ក្នុងពេលនោះជនរងគ្រោះមានអាការ:មិនស្រួលខ្លួនខ្លាំងបានក្រោកដេីរចេញពីអង្រឹងហើយដួលផ្ងាក្រោយបោកក្បាលលើការ៉ូឡាដាច់ខ្យល់ស្លាប់តែម្ដង។
ក្រោយទទួលពត៌មានកម្លាំងជំនាញអធិការដ្ឋាន ប៉ុស្តិ៍រដ្ឋបាល គ្រូពេទ្យ សហការជាមួយអាជ្ញាធរដែនដីចុះទៅដល់កន្លែងកើតហេតុ និងសាកសព។
– ការពិនិត្យ: សពមានស្លាកស្នាមមុខរបួសបែកក្បាលផ្នែកខាងក្រោយហូរឈាម ចំនួន០១កន្លែងរាងមូល
ទំហំ ១ ស.ម x ០ ៩ ស.ម ក្រៅពីនេះមិនមានស្លាកស្នាមអ្វីគួរឲ្យកត់សម្គាល់ឡើយ ។
សម្ថកិច្ចជំនាញសន្និដ្ឋាន: តាមការស្រាវជ្រាវជំវិញកន្លែង កើតហេតុ និងសាកសព ឃើញថាជនរងគ្រោះស្លាប់ដោយសារកំរិតជាតិអាល់កុលធ្ធន់ធ្ងរ និងដួលបោកក្បាលមកក្រោយបណ្តាលឲ្យស្លាប់។សាកសពសម្ថកិច្ច បានប្រគល់សពជូនក្រុមគ្រួសារយកទៅធ្វេីបុណ្យតាមប្រពៃណី។
