ភ្នំពេញ៖ ជនសង្ស័យម្នាក់បានចូលទៅលូចសំភារៈ របស់សន្តិសុខម្នាក់ព្យាយាមនៅហាងលក់ កុំព្យូទ័រ ឆាយ ហុក ត្រូវបងប្អូនប្រជាពលរដ្ឋព្រួតគ្នាវាយបណ្តាលឲ្យរង របួសយ៉ាងដំណំ ទើបចាប់ប្រគល់ឲ្យសមត្ថកិច្ចនគរបាលប៉ុស្តិ៍វាលវង់ ផ្តន្ទាទោសតាមផ្លូវច្បាប់ កាលពីវេលាម៉ោង ២នឹង ២០
នាទីយប់ឈានចូលថ្ងៃទី ១៥ ខែសីហា ឆ្នាំ ២០១៤ ស្ថិតនៅមុខហាងលក់ កុំព្យូទ័រ ឆាយ ហុក ចំណុចផ្លូវព្រះសីហនុ សង្កាត់វាលវង់ ខណ្ឌ ៧មករា ។
ជនសង្ស័យដែលត្រូវឃាត់ខ្លួនខាងលើមានឈ្មោះ អ៊ុំ វិសាល ភេទប្រុស អាយុ២៣ឆ្នាំ បុរសរបរនិងស្នាក់ នៅមិនពិតប្រាកដ។
យោងតាមការរៀប រាប របស់ជនរងគ្រោះជាសន្តិសុខឈ្មោះ សោមសាលី អាយុ២៧ឆ្នាំ ស្នាក់នៅ សង្កាត់ ទួលស្វាយព្រៃ២ ខណ្ឌចំការមន បានឲ្យដឹងថា មុនពេលកើតហេតុគាត់ បានឃើញ ជនសង្ស័យ៣នាក់ បានដើរចូលមកក្នុងកន្លែងដែលគាត់កំពុងព្យាយាម ហើយជនសង្ស័យនោះក៏បាន ធ្វើសមក្មភាពលួច វិទ្យុទាក់ទង់ និងទូរស័ព្ទ មួយគ្រឿងទៀត ហើយក៏ជនសង្ស័យនេះព្យាយាយគេចខ្លួន តែដោយសន្តិសុខឃើញក៏ស្រែកឆោ ឡោបង្កឲ្យភ្ញាក់ផ្អើលដល់អ្នករត់ម៉ូតូឌុបក្បែរនោះ នាំគ្នាដេញចាប់បានជនសង្ស័យម្នាក់ និងជនសង្ស័យពីរនាក់រត់គេចខ្លួនបាត់ស្រមោល ។ ក្រោយមកក៏បានរាយការណ៍ទៅនគរបាលមូលដ្ឋានឲ្យចុះ មកយកជនសង្ស័យម្នាក់នេះទៅសាកសួរបន្តទៀត ។
ជនសង្ស័យខាងលើត្រូវបានសមត្ថកិច្ចនាំខ្លួនយកទៅឃុំបណ្តោះអាសន្ននៅអធិការដ្ឋាននគរបាល ខណ្ឌ៧មករា រង់ចាំដោះស្រាយតាមផ្លូវច្បាប់៕
