ភ្នំពេញ ៖ យុវជនម្នាក់ជិះម៉ូតូមួយគ្រឿងក្នុងល្បឿនលឿនស្រាប់តែមកដល់ចំណុចផ្លូវកែង ក៏បត់ឆ្វេងជិះ បញ្ច្រាស់ផ្លូវស្រាប់តែមានយុវជន២នាក់ជិះម៉ូតូឆាលីមួយគ្រឿងក្នុងល្បឿនលឿនក៏បុកគ្នាចំពេញទំហឹងបណ្ដាលអោយយុវជន២នាក់រងរបួសធ្ងន់និងស្រាលម្នាក់។ ហេតុការណ៍នេះបាន
កើតឡើងកាលពីវេលាម៉ោង១១និង១០នាទីយប់ថ្ងៃទី១៤ខែសីហាឆ្នាំ២០១៤ ត្រង់ចំណុចផ្លូវកែងក្បែរស្ថានីយប្រេងឥន្ធនៈកាល់តិច តាមបណ្ដោយផ្លូវព្រះនរោត្ដមកែងផ្លូវលេខ៣៦០ ស្ថិតក្នុងសង្កាត់បឹងកេងកង១ ខណ្ឌចំការមន រាជធានីភ្នំពេញ។ ប្រភពព័ត៍មានពីកន្លែងកើតហេតុបានអោយដឹងថា នៅមុនពេលកើតហេតុគេបានឃើញយុវជន២នាក់ ជិះម៉ូតូមួយគ្រឿងម៉ាកឆាលី ពណ៍ស ពាក់ស្លាកលេខ គ៩៩៩៤ ភព១ ធ្វើដំណើរតាមបណ្ដោយផ្លូវព្រះ នរោត្ដម ក្នុងល្បឿន យ៉ាងលឿន ទិសដៅពីជើងទៅត្បូង ស្រាប់តែមកដល់ចំណុចកើតហេតុក៏មានម៉ូតូ ស៊ុយ ស៊ូគីស្មាស់វី ពណ៍ខ្មៅមួយគ្រឿង ពាក់ស្លាកលេខ ភ្នំពេញ 1AV-7064 ជិះដោយយុវជន ម្នាក់ធ្វើ ដំណើរតាមបណ្ដោយផ្លូវ៣៦០ ទិសដៅពីលិចទៅកើតហើយក៏បានបត់ឆ្វេងឡើងទៅផ្លូវ ព្រះនរោត្ដម ជិះបញ្ច្រាស់ ក៏បានបុកគ្នាចំពេញទំហឹងបណ្ដាលអោយយុវជន២នាករងរបួសធ្ងន់ និងម្នាក់ទៀតរង របួសស្រាល ។ បន្ទាប់ពីកើតហេតុសមត្ថកិច្ចមូលដ្ឋានបានចុះមកអន្តរាគមន៍ភ្លាមៗ និងបានបញ្ជូន ជនរងគ្រោះទៅសង្គ្រោះនៅមន្ទីរពេទ្យភ្លាមៗផងដែរ។ បើតាមសម្ដីរៀបរាប់របស់យុវជនរងគ្រោះឈ្មោះ បញ្ញា អាយុ១៨ឆ្នាំរងរបួសស្រាលបានអោយដឹងថារូបគេនិងមិត្តភ័ក្តិម្នាក់ទៀតឈ្មោះ រស្មី អាយុ១៩ឆ្នាំ ជិះម៉ូតូ ឆាលីចេញពីកន្លែងធ្វើការលក់គ្រឿងសមុទ្រក្បែរឌ្រីមឡែន ធ្វើដំណើរទៅផ្ទះម្ដុំផ្សារ ដើមថ្កូវ ស្រាប់តែមកដល់ចំណុចកើតហេតុក៏មានបុរសម្នាក់ជិះម៉ូតូស្មាស់វីបញ្ច្រាស់ផ្លូវក៏បុកគ្នាចំពេញទំហឹងតែម្ដង។ ចំណែកយុវជនជិះម៉ូតូស្មាស់វីមិនទាន់ស្គាល់អត្តសញ្ញាណនោះទេព្រោះរងរបួសធ្ងន់ សន្លប់ ស្ដូក ស្ដឹង ។
ក្រោយពេលកើតហេតុសមត្ថកិច្ចជំនាញបានធ្វើការវាស់វែងយកម៉ូតូ ទាំង២គ្រឿងទៅរក្សា ទុកនៅប៉ុស្តិ៍នគរបាលបឹងកេងកង១ ដើម្បីរង់ចាំធ្វើការដោះស្រាយគ្នាតាមផ្លូវច្បាប់ជាក្រោយ៕
