សៀមរាប ៖ ជនសង្ស័យម្នាក់នេះត្រូវបានសមត្ថកិច្ចធ្វើការចាប់ឃាត់ខ្លួន រួចយកមកកាន់ការិយាល័យនគរបាលជំនាញដើម្បីការសួនាំ លោកវរសេនីយទោ អ៊ុំ សាអាត នាយការិយាល័យនគរបាលប្រឆាំងគ្រឿងញៀន នៃស្នងការដ្ឋាននគរបាលខេត្តសៀមរាប បានឲ្យដឹងថា នៅ ថ្ងៃទី១៣ ខែសីហា ឆ្នាំ២០១៤ កម្លាំងការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាប បានសហការណ៍ជាមួយកំលាំងការិយាល័យនគរបាលព្រហ្មទណ្ឌកំរិតស្រាល បានអនុវត្តដីការបង្គាប់ឲ្យនាំខ្លួនឈ្មោះ មាស សេងវិសាល ភេទប្រុស អាយុ២១ឆ្នាំ ទីលំនៅបច្ចុប្បន្នភូមិវិហារចិន សង្កាត់ស្វាយដង្គំ ក្រុង-ខេត្តសៀមរាប ពាក់ព័ន្ធក្នុងករណីប្រើប្រាស់នូវសារធាតុញៀនខុសច្បាប់ កាលពីថ្ងៃទី ២៥ ខែកុម្ហៈ ឆ្នាំ២០១៣ កន្លងទៅ នៅភូមិគ្រួស សង្កាត់ស្វាយដង្គំ ក្រុងសៀមរាប ។
ក្នុងកិច្ចចុះប្រតិបត្តិការណ៍ខាងលើសមត្ថកិច្ចបានបន្តឲ្យដឹងទៀតថា ការចាប់ខ្លួន ជនសង្ស័យឈ្មោះ មាស សេងវិសាល ភេទប្រុស អាយុ២១ឆ្នាំ នេះ យោងតាម ដីការបង្គាប់ អោយនាំខ្លួនលេខ ១០៦/១៤ ចុះថ្ងៃទី ១០ ខែមិថុនា ឆ្នាំ២០១៤ ចេញដោយលោក លឹម សុគន្ធារី ចៅក្រមសើបសួរ សាលាដំបូងខេត្តសៀមរាប។បច្ចុប្បន្ននេះជនសង្ស័យត្រូវបានសមត្ថកិច្ចកសាងសុំណុំរឿងបញ្ជូនទៅកាន់សាលាដំបូងខេត្តសៀមរាបហើយ ដើម្បីចំណាត់ការទៅតាមនិតិវិធីបន្ត ៕ លោកខេង ខេមរា
