កំពង់ឆ្នាំង៖ បុរសម្នាក់ជាមុខសញ្ញាចែកចាយថ្នាំញៀនដ៍សកម្ម ត្រូវបានសមត្ថកិច្ចចំរុះ ដឹកនាំដោយព្រះរាជអាជ្ញារងអមសាលាដំបូងខេត្ត ធ្វើការឡោមព័ទ្ធចាប់បានរូបគេកំពុងស្នាក់នៅផ្ទះជាមួយប្រពន្ធដោយមិនដឹងខ្លួន។កិច្ចប្រតិបត្តិការនេះបានធ្វើឡើងនៅវេលា ម៉ោង៩និង៣០នាទី ថ្ងៃទី១៥ សីហា ឆ្នាំ២០១៤ នៅចំណុចក្រោយវត្តថ្មស ស្ថិតក្នុងភូមិចំ ការតាម៉ៅ ឃុំស្រែថ្មី ស្រុករលាប្អៀរ ខេត្តកំពង់ឆ្នាំង។ លោក ប្រធានផ្នែកព្រហ្មទណ្ឌក្រុងកំពង់ឆ្នាំងបានអោយដឹងថា៖បុរសរូបនោះឈ្មោះ លី ច័ន្ទឆៃយ៉ា អាយុ២៨ឆ្នាំ មានប្រពន្ធឈ្មោះ នាង ណាត អាយុ៣៥ឆ្នាំ រស់នៅក្នុងភូមិឃុំខាងលើ រូបគេជាមុខសញ្ញាចែកចាយថ្នាំញៀនយ៉ាងសកម្មនៅក្នុងក្រុងកំពង់ឆ្នាំង កន្លងមក។
កិច្ចប្រតិបត្តិការបង្ក្រាបមុខសញ្ញាខាងលើនេះ គឺដឹកនាំដោយលោក គឹម ហុងសាន ព្រះរាជអាជ្ញារងអមសាលាដំបូងខេត្ត ដោយសហការក្រឡាបញ្ជី នគរបាលប្រឆាំងបទ ល្មើសគ្រឿងញៀនខេត្ត នគរបាលព្រហ្មទណ្ឌក្រុង ស្រុក ប៉ុស្តិរដ្ឋបាល និងអាជ្ញាធរដែនដីផងដែរ។នៅពេលកំលាំងសមត្ថកិច្ចចំរុះចុះទៅឡោមព័ទ្ធចាប់ខ្លួននោះ ជនសង្ស័យបាន ប្រគល់ខ្លួន ប្រគល់ទាំងដាវសាំម៉ូរ៉ៃមួយដើមនិងជូនសំភារះជូនសមត្ថកិច្ចចំរុះតាមសំរួល។ 
ក្រោយពីឆែកឆេរនៅក្នុងកែបម៉ូតូ ក្នុងខ្លួន និងនៅលើផ្ទះជនសង្ស័យ សមត្ថកិច្ចចំរុះ បានរឹបអូសវត្ថុតាងមួយចំនួនដូចជា៖ថ្នាំញៀនម៉ាទឹកកកចំនួន១០កញ្ចប់ដែលមួយកញ្ចប់ៗ មានតម្លៃពី៤ទៅ៦ម៉ឺនរៀល,ដាវសាំម៉ូរ៉ៃ១ប្រវែង០,៨០ម៉ែត្រ ទូរស័ព្ទដៃចាស់ៗចំនួន០៨គ្រឿង ក្លែងក្លាយ១០០ដុល្លា១សន្លឹក លុយវៀតណាម២ពាន់ដុង លុយម៉ាឡេស៊ី១រីងហ្គីត ថង់សំរាប់ច្រកចែកចាយថ្នាំញៀនមួយដុំធំ ម៉ូតូម៉ាកវីវ៉ាសេរីឆ្នាំ៩៧ ពណ៌ខ្មៅ ពាក់ស្លាកលេ ខភ្នំពេញ1Q-6548មួយគ្រឿង និងសម្ភារៈសំរាប់សេពថ្នាំញៀនមួយចំនួនធំទៀត។ 
ជនសង្ស័យត្រូវសមត្ថកិច្ចចំរុះបញ្ជូនខ្លួនទៅអធិការនគរបាលស្រុករលាប្អៀរ ដើម្បី កសាងសំណុំរឿងតាមនីតិវិធីនិងបញ្ជូនខ្លួនទៅស្នងការនគរបាលខេត្តកំពង់ឆ្នាំងដើម្បីចំ ណាត់ការបន្ត។សមត្ថកិច្ចនឹងធ្វើការស្រាវជ្រាវបន្តដើម្បីវែកមុខរកមេក្លោងចែកចាយថ្នាំ ញៀនធំជាង គេនៅក្នុងខេត្តកំពង់ឆ្នាំង។ ដោយឡែកប្រជាពលរដ្ឋនៅក្នុងមូលដ្ឋានបានសាទរចំពោះប្រតិបត្តិការខាងលើនេះ របស់សមត្ថកិច្ច ដែលបានធ្វើឡើងមានស្នាដៃជាបន្តបន្ទាប់ ដើម្បីផ្តល់បាននូវសន្តិសុខ សណ្តាប់ធ្នាប់ក្នុងសង្គមជាតិជូនដល់ប្រជាពលរដ្ឋនៅគ្រប់មូលដ្ឋាន ប៉ុន្តែការសំរេចបាន ដូចខាងលើនេះ ក៏មានការផ្តល់ព័ត៌យ៉ាងច្បាស់លាស់ពីប្រជាពលរដ្ឋយើងដែរ៕ 
