សៀមរាប ៖ ជនសង្ស័យភេទប្រុសទាំង៣នាក់នេះបន្ទាប់ពីពួកគេបានធ្វើសកម្មភាពក្នុងករណីអំពើលួច យកកុំព្យូទ័រ លេប ថប ពីជនរងគ្រោះកាលពីថ្ងៃទី១២ខែសីហាឆ្នាំ២០១៤កន្លងទៅក៏ដូចជាបន្ទាប់ពីសមត្ថកិច្ចបានទទួលបាននូវពាក្យបណ្តឹងពីជនរងគ្រោះផងនោះ ទើបសមត្ថកិច្ចធ្វើការតាមដានស្រាវជ្រាវនិងឈានដល់ការចាប់ឃាត់ខ្លួនជនសង្ស័យភេទប្រុសទាំង៣នាក់នេះបានតែម្តង ។
លោកវរសេនីយ៍ទោ ភឹង ចិន្តារ៉េត នាយការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តសៀមរាបបានឲ្យដឹងថាកាលពីថ្ងៃខែកើតខាងលើនៅវេលាម៉ោង២១ជនសង្ស័យបានធ្វើសកម្មភាពលួចចូលទៅគាស់ទ្វាដង្អូចក្នុងផ្ទះជនរងគ្រោះយកកុំព្យូទ័រ លេប ថប របស់ជនរងគ្រោះស្ថិតនៅក្នុងភូមិគ្រួស សង្កាត់ស្វាយដង្គំ ក្រុង – ខេត្តសៀមរាប គណះពេលដែលជនរងគ្រោះបានទៅជួបមិត្តភ័ក្ត្រនៅខាងក្រៅផ្ទះលុះពេលដែលជនរងគ្រោះត្រឡប់មកផ្ទះវិញក៏បានឃើញឩបករណ៍ជាដែកប្រវែង១ ម៉ែត សម្រាប់គាស់ ទ្វា បង្អួច ពេលនោះជនរងគ្រោះបានចូលទៅមើលក្នុងបន្ទប់ក៏បាត់ កុំព្យូទ័រ លេប ថប ទើបជនរងគ្រោះមកដាក់ពាក្យបណ្តឹងឲ្យសមត្ថកិច្ចជួយធ្វើអន្តរាគមន៍តែម្តង ។ 
បច្ចុប្បន្នជនសង្ស័យទាំង៣នាក់នេះត្រូវបានសមត្ថកិច្ចចាប់ឃាត់ខ្លួនបានព្រមទាំងវត្ថុតាងជាកុំព្យូទ័រ លេប ថប ១ គ្រឿងរួចក៏សាងសុំណុំរឿងនិងបញ្ជូនខ្លួនទៅកាន់សាលាដំបូងខេត្តសៀមរាបហើយកាលពីថ្ងៃទី១៥ ខែ សីហា នេះដើម្បីចាត់ការបន្ត ចំណែកឯ វត្ថុតាងជាកុំព្យូទ័រ លេប ថប ១ គ្រឿងនេះសមត្ថកិច្ចបានប្រគល់ទៅឲ្យម្ចាស់ដើមវិញ ៕ ដោយ ខេង ខេមរា
