ខេត្តកំពង់ធំៈ សកម្មភាពរីកដុះដាលបទល្មើសនេសាទ បានក្រើកសារជាថ្មី បន្ទាប់រដូវវស្សាឈានចូលមក ដល់ តែក្នុងនោះគេសង្កេតឃើញ សមត្ថកិច្ចរដ្ឋបាលជលផល ទាល់តែមានការឆ្កេះពីសំណាក់ថ្នាក់ដឹកនាំ ទើបភ្ញាក់រលឹកចុះទៅបង្ក្រាប តែការបង្ក្រាបបានធ្វើឡើងក្នុងលក្ខណៈលាក់លៀម បិទបាំងពីក្រសែភ្នែករបស់ អ្នកសារពត៌មាន តែការបង្ក្រាបត្រូវបានធ្វើសកម្មភាពទាំងបង្ខំចិត្ត ព្រោះត្រូវបានគេដឹងថា អង្ករក្លាយជាបាយ។ ប៉ុន្មានថ្ងៃកន្លងមកនេះ លោក ប៉ែន វណ្ណរិទ្ធ នាយខណ្ទរដ្ឋបាល ជលផលកំពង់ធំ បានដឹកនាំកំលាំងបង្ក្រាប ក្នុងភូមិសាស្ត្រស្រុកស្ទោង ឃុំពាមបាង ឃុំម្សាក្រង តែសកម្មភាពបង្ក្រាបបានធ្វើឲ្យមានការសង្ស័យជាខ្លាំង ដោយសារតែកន្លងមក អ្នកយកពត៌មានយើងបាន ចុះទៅ
ថតរូបភាពផ្ទាល់ នៅទីតាំងបទល្មើស នឹងបានប្រទះឃើញបទល្មើស របាំងសាច់អួនរាប់ពាន់ ម៉ែត្រ ដាក់កាត់បឹង និងមានជាច្រើនកន្លែង មិនតែប៉ុណ្ណោះ ក្រុមកម្មកររបស់ជនល្មើស បានសាង់ខ្ទមនៅលើដើមឈើ និងមានសម្ភារៈជាច្រើន សម្រាប់ដាក់បទល្មើស តែ បែជាលោក ហួន ផល នាយសង្កាត់ពាមបាង និងលោក ប៉ែន វណ្ណរិទ្ធ នាយខណ្ទមិនខ្ចីបង្ក្រាប និងបានបើក ភ្លើងខៀវអោយ លោក ឆេង សួរ រស់នៅឃុំកំពង់ក្តី ខេត្តសៀមរាប មកប្រព្រឹត្តបទល្មើសយ៉ាងរំភើយ ។ 
សកម្មភាពការចុះបង្ក្រាបបទល្មើសនេសាទ របស់ខណ្ទរដ្ឋបាលជលផលកំពង់ធំ និងការអនុវត្តច្បាប់ស្តីពី ការការពារ អភិរក្សធមធានមឆ្ឆាជាតិ វាផ្ទុយគ្នារវាងការអនុវត្តន៍ការចុះបង្ក្រាបជាក់ស្តែង ដោយសារតែការចុះ បង្ក្រាបកន្លងមក គ្រាន់តែចុះជាពិធី ពុំមានការកាប់បំផ្លាញ ដុះចោលនោះទេ ឬធ្វើឲ្យឧបករនេសាទទាំងនោះ មានការខូចខាតនោះទេ គឺគ្រាន់តែកាត់របាំងអួនទំលាក់ចូលទឹក ហើយក៏បើកការណូតចេញទៅ ការធ្វើបែប នេះគឺជាការផ្តល់ឳកាសឲ្យ ជនល្មើសពុំមានការរាងចាល ចំណែកអ្នកពត៌មានពុំបានឲ្យចុះទៅសង្កេតការផ្ទាល់នោះទេថតយកពត៌មាននោះទេ ចាំតែខណ្ទរដ្ឋបាលជលផលសរសេរតួលេខព្រាវៗ រៀបរាប់ចំនួនម៉ែត្រ ចំនួនបង្គោល ចេះតែដាក់ក្នុងរបាយការដោយពុំមែនជាការពិត។ 
ប្រជាពលរដ្ឋ ដែលរស់នៅក្នុងឃុំពាមបាង និងឃុំផាត់សណ្តាយបានក្តៅក្រហាយជាខ្លាំង ចំពោះលោក ហួន ផល និងលោក ប៉ែន វណ្ណរិទ្ធ បើកដៃឲ្យខ្មោចព្រៃ ចូលស្រុក ដោយប្រជាពលរដ្ឋ ធ្លាប់បានប្តឹងមកលោក អភិបាលស្រុកស្ទោង ដើម្បីសុំកាប់របាំងសាច់អួនរបស់ លោក ឆេង សួរ ចោល ម្យ៉ាងទៀតប្រជាពលរដ្ឋ ស្ថិត នៅក្នុងមូលដ្ឋាននេសាទខុសច្បាប់ សុទ្ធតែចាប់តែចង តែចំពោះលោក ឆេង សួរ ឈ្មួញធំ មានទីតាំងដាក់ បទល្មើសដូចឡូត៍នេសាទ បែរជាដាក់បានដោយពុំមានការហាមឃាត់។
ពាក់ព័ន្ឋទៅនឹងបញ្ហារនេះ លោក យ៉ាន់ វិសាក់ នាយផ្នែករដ្ឋបាលជលផល បានឲ្យដឹងថា បទល្មើសវាតែង តែមានខ្លះបង្ក្រាបមិនអស់តេ តែបើសិនជាមានច្រើន អួនមួយមានប្រវែងរាប់រយម៉ែត្រ លោកនឹងសុំលាលែង សុំឈប់តែម្តង។សម្រាបលោក ប៉ែន វណ្ណរិទ្ធ មិនអាចធ្វើការទំនាក់ទំនងសុំការបំភ្លឺជុំវិញ ករណីបើកភ្លើងខៀវ ឲ្យមានការនេសាទខុសច្បាប់នោះទេ ។
