សៀមរាប ៖ បន្ទាប់ពីសមត្ថកិច្ចជំនាញបានធ្វើការបង្ក្រាបចំពោះបក្សពួកក្រុមអ្នកប្រព្រឹត្តបទល្មើសគ្រឿងញៀនរួចបញ្ជូនទៅកាន់សាលាដំបូងខេត្តសៀមរាបរួចមកសមត្ថកិច្ចក៏បន្តនិតិវិធីជំនាញរហូតឈានដល់ការចាប់ឃាត់ខ្លួនជនសង្ស័យភេទប្រុសទាំង៥នាក់នេះបានជាបន្តបន្ទាប់កាលពីថ្ងៃទី១៤ខែសីហាឆ្នាំ២០១៤កន្លងទៅរួចយកមកកាន់ការិយាល័យនគរបាលជំនាញដើម្បីធ្វើការសួនាំជាប់ពាក់ព័ន្ធក្នុងករណីប្រើប្រាស់សម្រួលអោយប្រើប្រាស់ចាត់ចែងអោយប្រើប្រាស់និងជួញដូរគ្រឿងញៀនខុសច្បាប់។
លោកវរសេនីយ៍ទោ អ៊ុំ សាអាត នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានឲ្យដឹងថាដោយអនុវត្តជាប្រចាំតាមការយកចិត្តទុកដាក់ខ្ពស់ពីសំណាក់លោក ឩត្តមសេនីយ៍ទោ សត ណាឌីស្នងការនគរបាលខេត្តសៀមរាបក៏ដូចជាដើម្បីធ្វើឲ្យការអនុវត្តនូវគោលនយោបាយភូមិឃុំមានសុវត្ថិភាពឲ្យកាន់តែមានប្រសិទ្ធភាពខ្ពស់ ។
ជាក់ស្តែងនៅថ្ងៃខែកើតហេតុខាងលើកម្លាំងការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានសហការណ៍ជាមួយកម្លាំងនៃអធិការដ្ឋាននគរបាលស្រុកប្រាសាទបាគងខេត្តសៀមរាបបានធ្វើការតាមដានស្រាវជ្រាវនិងឈានដល់ការបង្ក្រាបចាប់ឃាត់ខ្លួនជនសង្ស័យភេទប្រុសទាំង៥នេះបាន ជាបន្តបន្ទាប់តែម្តង។ក្នុងកិច្ចចុះប្រតិបត្តិការណ៍ខាងលើសមត្ថកិច្ចបានបន្តឲ្យដឹងទៀតថាបន្ទាប់ពី សមត្ថកិច្ចជំនាញបានធ្វើការចាប់ឃាត់ខ្លួនជនសង្ស័យបានហើយនោះនៅមុខសមត្ថកិច្ចជនសង្ស័យបានឆ្លើយសារភាពថាពួកគេពិតជាបានប្រព្រត្តឹនៅករណីទាំងអស់ខាងលើពិតប្រាកដមែន បច្ចុប្បន្នជនសង្ស័យត្រូវបានសមត្ថកិច្ចកសាងសុំណុំរឿងបញ្ជូនទៅកាន់សាលាដំបូងខេត្តសៀមរាបហើយកាលពីព្រឹកថ្ងៃទី១៥ខែសីហាឆ្នាំ២០១៤នេះដើម្បីចំណាត់ការទៅតាមនិតិវិធីបន្ត ៕ ដោយ ខេង ខេមរា
