ខេត្តកំពង់ធំៈ ពិធីប្រកាសសមាសភាព ក្រុមការងារចុះជួយស្រុកសណ្តាន់ ក្រោមអធិបតីភាព ឯកឧត្តម អ៊ុត សំអន អនុប្រធានប្រចាំការក្រុមការងារចុះជួយខេត្តកំពង់ធំ និងជាប្រធានគណៈកម្មាធិការគណបក្សខេត្តកំពង់ធំ និងឯកឧត្តម សុខ លូ សមាជិកអចិន្ត្រៃយ៍គណៈកម្មាធិការគណបក្សខេត្តកំពង់ធំ និងជាប្រធានក្រុម ការងារចុះជួយស្រុកសណ្តាន់ ឯកឧត្តម រស់ សីលវ៉ា អនុប្រធានក្រុមការងារ ចុះជួយស្រុកសណ្តាន់ នៅទីស្នាក់ការគណៈបក្សប្រជាជនកម្ពុជា ស្រុកសណ្តាន់ នៅព្រឹកថ្ងៃទី ១៧ ខែ សីហា ឆ្នាំ ២០១៤។ 
បន្ទាប់ពីលោក អ៊ុច ប៊ុនហ៊ី អនុប្រធានគណៈបក្សស្រុកសណ្តាន់ បានអានសេចក្តីសម្រេចលេខ ០៨៦ ស.សរកងកធ ចុះថ្ងៃទី១៥ខែ កក្កដា ឆ្នាំ ២០១៤ ស្តីពីការចាត់តាំង និងកែសម្រួលសមាសភាពក្រុមករងារបក្សចុះជួយស្រុកសណ្តាន់ និងត្រូវបានបែងចែកតាមតួនាទីទទួលខុសត្រូវរួចមក ឯកឧត្តម សុខ លូ ដែលត្រូវ បានផ្លាសប្តូរមកជាប្រធានក្រុមការងារស្រុកសណ្តាន់ បានសំណេះសំណាលជាមួយសមាជិកបក្ស និងក្រុម ការងារដើម្បីរួមសហការចាប់ដៃគ្នា បន្តការអនុវត្តន៍កសាងអភិវឌ្ឍន៍ស្រុកសណ្តាន់។ 
ឯកឧត្តម អ៊ុត សំអន ជាអនុប្រធានប្រចាំការក្រុមការងារចុះជួយខេត្តកំពង់ធំ បានមានមតិសំណេះសំណាល ជាមួយនឹងក្រុមការងារបក្ស និងបានផ្តាំផ្ញើរ ក្រុមការងារបក្សទាំងអស់ ចូលរួមសហការជាមួយ និងប្រធានក្រុមការងារបក្សថ្មី ដើម្បីរួមគ្នាធ្វើការងារបក្សបន្ត និងសូមឲ្យក្រុមការងារ បូកសរុបវាយតំលៃ ពីភាពខ្លាំង និងភាពខ្សោយរបស់ក្រុមការងារបក្ស ដើម្បីរកភាពពិតនូវចន្លោះប្រហោង ដែលបង្ករឲ្យប្រជាប្រិយភាពធ្លាក់ចុះ និងសូមចង់ចាំថា ក្រុមការងារគឺជាកំលាំងបន្ថែម រីឯការងារមូលដ្ឋានគឺជាកំលាំងចាត់តាំង តែមានគោលនយោបាយ
និងគោលបំណង់ដូចគ្នា ក្រុមការងារមិនអាចចុះជាប់និងមូលដ្ឋាននោះទេ ចំនែកការងារចាត់តាំង នៅមូលដ្ឋាន គឺជាអ្នកចាំផ្ទះ ជាអ្នកចាំដី ជាអ្នកដាក់ជី ជាអ្នកមើលថែ ជាម៉ែជាឪ និងជាអ្នកស្គាល់ចិត្តស្គាល់ ថ្លើមជាមួយនឹងប្រជាពលរដ្ឋ មិនមានភាពស្និទ្ធស្នាលជាងអ្នកមកចុះជួយ និងជាប្រធានមានតួនាទីចាត់ប្រជុំ មិនអាចមើលបណ្តាំតែក្រុមការងារបក្ស ដែលចុះទៅជួយនោះទេ ត្រូវរួមគ្នាធ្វើឲ្យបក្សមានភាពរីកចម្រើន ។
