ភ្នំពេញ ៖ រថយន្តឡិចស៊ីស RX300 មួយគ្រឿងបើកកៀរ ម៉ូតូហុងដាឌ្រឹម សេ១២៥ បណ្ដាលឲ្យបុរសពីរនាក់ ដួលបោកក្បាលនៅនឹងថ្នល់រងរបួសធ្ងន់ ហើយ រថយន្តបង្កបានបើកគេច ខ្លួនបាត់ស្រមោល កាលពីវេលាម៉ោង៩យប់ ថ្ងៃទី១៧ ខែសីហាឆ្នាំ២០១៤ កែងនឹងស្តុបបូកគោ តាម
បណ្តោយផ្លូវព្រះមុនីវង្ស ស្ថិតក្នុងសង្កាត់បឹងកេងកង់១ ខណ្ឌចំការមន។
យោងប្រភពព័ត៌មាននៅ កន្លែងកើតហេតុបានអោយដឹងថា គេបានឃើញបុរសពីរនាក់បានជិះម៉ូតូមួយគ្រឿងម៉ាកហុងដាឌ្រីម ធុនសេ១២៥ ពណ៌ខ្មៅ ពាក់ស្លាកលេខ នរគបាល ១ ០០០៣ ធ្វើដំណើរតាមបណ្ដោយផ្លូវ ព្រះមុនីវង្ស ក្នុងទិសដៅពី ត្បូងទៅជើង ស្រាប់តែមកដល់ចំណុចកើតហេតុខាងលើ ក៏មានរថយន្ត មួយគ្រឿង ម៉ាកឡិចស៊ីស RX300 ដែលធ្វើដំណើរតាមបណ្ដោយផ្លូវ ព្រះមុនីវង្ស ក្នុងទិសដៅពី ស្រប់គ្នា ជាមួយម៉ូតូ ក៏ជ្រុលមកកៀរម៉ូតូពីក្រោយ បណ្ដាលអោយជនរងគ្រោះដួលបោកនិងថ្នល់រងរបួស ធ្ងន់ ហើយរថយន្តបង្ក បានបើកគេចខ្លួនបាត់ស្រមោល ភ្លាមៗតែម្តង ។ បន្ទាប់ពីកើតហេតុជនរងគ្រោះត្រូវបាន រថយន្តសាមុយមកដឹកយក ទៅព្យាបាលនៅមន្ទីរពេទ្យ។ ហើយចំណែកម៉ូតូជនរងគ្រោះត្រូវបានសមត្ថកិច្ចចរាចរខណ្ឌចំការមន លើយកទៅរក្សាទុកនៅខណ្ឌ ចំការមនរងចាំបងប្អូនមកទទួល វិញផងដែរ៕
