អភិបាលរដ្ឋមីស៊ូរីបានប្រកាស អាសន្ន និងចេញច្បាប់បម្រាមគោលចរ នៅទីក្រុងហ្វឺហ្គូសិន ក្នុងគោលដៅទប់ ទល់នឹងក្រុមបាតុករដែលបង្កហិង្សាពី មួយថ្ងៃទៅមួយថ្ងៃ ក្រោយពេលយុវជន អាមេរិកដើមកំណើតអាហ្វ្រិកម្នាក់ត្រូវ ប៉ូលិសបាញ់សម្លាប់ ។ អភិបាលរដ្ឋមីស៊ូរី លោកJay Nixon បើទោះបីភាគច្រើនក្រុមបាតុករដង្ហែ ក្បួនដោយសន្ដិភាព ប៉ុន្ដែនៅតែមាន ជនឱកាសនិយមញុះញង់បង្កឱ្យមានអំពើ ហិង្សារាលដាលជាទ្រង់ទ្រាយធំ ។
ទាំង នោះហើយទើបសម្រេចប្រកាសច្បាប់ បម្រាមគោចរនៅទីនេះក្នុងគោលដៅ រក្សាសន្ដិសុខ សណ្ដាប់ធ្នាប់ ។ គួរបញ្ជាក់ផងដែរថា កាលពីថ្ងៃទី៩ ខែសីហា យុវជនស្បែកខ្មៅឈ្មោះMichael Brown ត្រូវបានប៉ូលិសរដ្ឋមីស៊ូរីបាញ់ សម្លាប់ក្រោយពេលចូលលួចនៅក្នុង ហាងលក់គ្រឿងទេសមួយ ។ បន្ទាប់មក យុវជនរូបនេះតដៃជាមួយប៉ូលិស ទើប ឈានដល់ការបាញ់សម្លាប់ ។ ប៉ុន្ដែ សាក្សីមួយរូបបានឱ្យដឹងថា យុវជនខាង លើបានទៅសួរសុខទុក្ខសាច់ញាតិដោយ ក្នុងខ្លួនគ្មានអាវុធនោះឡើយ ហើយត្រូវ ប៉ូលិសបាញ់សម្លាប់ពេលធ្វើដំណើរ តាមដងផ្លូវ បើទោះបីគាត់បានលើកដៃ ទាំងពីរឡើងទៅលើពេលប៉ូលិសតម្រង់ កាំភ្លើងហើយក៏ដោយនោះ ។ ហេតុការណ៍ខាងកើបានបង្កឱ្យមាន ការខឹងសម្បាយ៉ាងខ្លាំងពីក្រុមជនជាតិ អាមេរិកដើមកំណើតអាហ្វ្រិក ។
រយៈ ពេលមួយសបា្ដហ៍កន្លងមក ការធ្វើបាតុ កម្មក្លាយជាហិង្សាកើតឡើងនៅទីគ្រប់ ទិសទីទើបឈានដល់ការប្រកាសអាសន្ន។ សកម្មភាពខាងលើបង្កឱ្យមានភាពតាន តឹងយ៉ាងខ្លាំងរវាងប៉ូលិស នឹងសហគមន៍ ជនជាតិស្បែកខ្មៅដើមកំណើតអាហ្វ្រិក។ អ្នកឯកទេសបញ្ជាក់ថា សកម្មភាពខាង លើនឹងធ្វើឱ្យបាត់បង់ទំនុកចិត្ដរវាងក្រុម ប៉ូលិស នឹងប្រជាពលរដ្ឋកាន់តែខ្លាំង ។ ការធ្វើបាតុកម្ម មិនត្រឹមតែកើត ឡើងនៅរដ្ឋមីស៊ូរីប៉ុណ្ណោះទេ គឺបានកើត ឡើងនៅគ្រប់ទិសទីក្នុងទឹកដីអាមេរិក ដោយពេលនេះមានទីក្រុងជាង៩០ដែល មានជនជាតិស្បែកខ្មៅរស់នៅសុទ្ធសឹង តែបានធ្វើបាតុកម្មប្រឆាំងនឹងទង្វើរបស់ ប៉ូលិសដែលបាញ់សម្លាប់យុវជន ទោះបី បានលើកដៃចុះចាញ់ហើយក៏ដោយ ។
