ខេត្តកំពង់ធំ: លោកប៉ែន វណ្ណរិទ្ធ ប្រធានមន្ទីរកសិកម្មរុក្ខា ប្រមាញ់ និងនេសាទខេត្តកំពង់ធំ បានជម្រុញឲ្យមន្ត្រីរដ្ឋបាលជលផល សង្កាត់ពាមបាង ចុះបង្រ្កាបបទល្មើសនេសាទខុសច្បាប់ក្នុងរដូវត្រីពងកូន និងអនុវត្តតាមសេចក្តីប្រកាសរបស់ក្រសួងកសិកម្មរុក្ខាប្រមាញ់និងនេសាទ។
ជាក់ស្តែងមន្ត្រីនៃសង្កាត់រដ្ឋបាលជលផលពាមបាង.បានដឹកនាំកម្លាំងបង្រ្កាបបទល្មើសនេសាទ ខុសច្បាប់ក្នុងរដូវបិទនេសាទ នៅថ្ងៃទី ១០ខែកញ្ញាឆ្នាំ២០២១
ដោយយោងលិខិតលេខ១៣១៦មកសិ_ខលបបចុះថ្ងៃទី៣០ខែ សីហាឆ្នាំ២០២១ របស់ប្រធានមន្ទីរកសិកម្មរុក្ខាប្រមាញ់និងនេសាទ ខេត្តកំពង់ធំ
សហការណ៍ជាមួយសហគមន៍នេសាទភូមិដួនស្តើង បានចុះទប់
ស្កាត់បង្រ្កាបបទល្មើសជលផលនៅចំណុចខ្វែងតាសូនិងចំណុចផ្លូវទូកស្ថិតក្នុងភូមិសាស្រ្តឃុំពាមបាងស្រុកស្ទោង ខេត្តកំពង់ធំ។
លោក ហុក.មន.នាយរងសង្កាត់រដ្ឋបាលពាមបាង បានឲ្យដឹងពីលទ្ឋផលដែលទទួលបានពី ការបង្រ្កាប គឺបានរុះរើកាប់បំផ្លាញចោលឧបករណ៍នេសាទ.មានរបាំងសាច់អួននៅនឹងកន្លែងរួមមាន២ករណី របាំសាច់អួនចំនួន ០៤ របាំងប្រវែង ៥៥០ម៉ែត្រ
លូសាច់អួនចំនួន ០៧ មាត់
ឡុកសាច់អួនចំនួន ០៥ គ្រឿង
បង្គោលឈើ ចំនួន ៤០០ ដើម
ចាក់ប្រលែងត្រីចូលបឹងទម្ងន់ ១៥គីឡូក្រាម ។
ប្រជាពលរដ្ឋបានសម្តែងនូវ សេចក្ដីត្រេតអរ នូវចំណាត់ការដ៏ តឹងរ៉ឺងរបស់ប្រធានមន្ទីរកសិកម្មខេត្តកំពង់ធំ ដែលបានយកចិត្តទុកដាក់មកលើ កិច្ចការ.ការពារធនធានមឆ្ឆាជាតិ លុបបំបាត់ការដាក់បទល្មើសនេសាទ ដោយខុសច្បាប់ ជាពិសេសក្នុងរដូវហាមឃាត់ ដើម្បីឲ្យត្រីពងកូន។
លោកប៉ែន វណ្ណរិទ្ធ ប្រធានមន្ទីរកសិកម្មខេត្ត.បានមានប្រសាសន៍ថា លោកមិនអនុញ្ញាតិឲ្យមន្រ្តីជលផលណាពាក់ព័ន្ឋនិងការនេសាទដោយខុសច្បាប់ឡើយ មន្ត្រីជលផលត្រូវសហការជាមួយសមត្ថកិច្ច ជាពិសេសអ្នកសារព័ត៌មាន ដើម្បីចូលរួមបង្រ្លាបបទល្មើសនេសាទ និងសូមអគុណចំពោះអ្នកសារព័ត៌មាមាន ដែលបានផ្តល់ព័ត៌មានពីទីតាំងដែលមានបល្មើស និងឲ្យមានកិច្ចសហការគ្នាល្អបែបជារៀងរហូត៕
ដោយប៊ុន វាសនា
