សៀមរាប៖ ដើម្បីបញ្ជ្រៀសអាត្រា គ្រោះថ្នាក់ចរាចរណ៍ផ្លូវគោគ ទាល់តែមានការចូលរួមពីណាក់បងប្អូនប្រជាពលរដ្ឋ និងមន្ត្រីរាជការ កងកម្លាំង សិស្សានុសិស្ស និងអនុវត្តន៍ច្បាប់ចរាចរណ៍ ទាំងអស់គ្នា ទើបអាច កាត់បន្ថយខ្លះ បើរឹតបន្តឹងតែប្រជាពលរដ្ឋ ចំណែកកងកម្លាំង ជាពិសេសប៉ូលិសខ្លួនឯង អ្នកគោរពច្បាប់ តែបែរជាមិនគោរពច្បាប់ជាគំរូ តើឲ្យប្រជាពលរដ្ឋគោរពម្តេចនឹងកើត។ ជាពិសេសកម្លាំងសមត្ថកិច្ចប៉ូលិស កំពុងតែចុះអនុវត្តន៍ ពង្រឹងច្បាប់ចរាចរណ៍ នៅចំនុចផ្សារចាស់ នៅព្រឹក ថ្ងៃទី ២០ ខែ សីហា ឆ្នាំ ២០១៤ ដើម្បីធ្វើការផាកពិន័យ ចំពោះបុគ្គលណាមិនបានគោរពច្បាប់ចារចរណ៍ លើដងផ្លូវសារធារណះដោយមិនពាក់មួកសុវត្តិភាពនឹងមិនដាក់កញ្ចក់ហើយនិងបើកបញ្ច្រាសទិស។
ប៉ុន្តែការអនុវត្តន៍ច្បាប់របស់សមត្ថកិច្ចប៉ូលិស ចរាចរណ៍ផ្លូវគោក របស់ខេត្តសៀមរាប ហាក់ដូចជានៅមានការខ្វះ ចន្លោះជ្រើសរើសបុគ្គលសម្រាប់ផាកពិន័យ ដោយមិនមានការស្មើរភាពគ្នា រវាងសមត្ថកិច្ច កងកម្លាំង និងប្រជាពលរដ្ឋ ឬមួយក៏លោក សមត្ថកិច្ចគាត់គិតថា ប៉ូលិស ប៉េអ៊ឹម ទាហាន មិនចេះគ្រោះថ្នាក់ ឬក៏អាងអំណាចបានជាលោក ប៉ូលិសមិនបានឃាត់ពិន័យដូចប្រជាពលរដ្ឋ ។ 
ក្នុងនោះដែរ ប្រជាពលរដ្ឋ បានសំណូមពរឲ្យលោក ឧត្តមសេនីយ៍ សត ណាឌី ស្នងការនគរបាលខេត្តសៀមរាប មេត្តាជួយចុះពិនិត្យស្ថានភាព ការអនុវត្តន៍ច្បាប់របស់ មន្ត្រីថ្នាក់ក្រោមមានភាពលំអៀងឬក៏អនុវត្តន៍ តាមតួនាទី ។ដោយ ខេង ឧត្តម 
