ខេត្តបន្ទាយមានជ័យ: បទល្មើសជលផលនៅតែលូចកើតមាននៅព្រំប្រទល់ខេត្តបន្ទាយមានជ័យនិងខេត្តបាត់ដំបងដែលមន្ត្រីជលផល ត្រូវបានបង្ក្រាបកាលថ្ងៃទី២០សីហា២០១៤នៅចំណុចអូរដំណាក់ព្រះអង្គស្ថិតព្រំប្រទល់ខេត្តបន្ទាយមានជ័យននិងខេត្តបាត់ដំបង។
លោក ហ៊ី សេងគ្រី នាយរដ្ឋបាលជលផលមង្គលបូរីបានប្រាប់ថា:បទល្មើសជលផលនៅតែកើតមានទោះមានវិធានការព្រោះបទល្មើសនេះវាងាយស្រួលសម្រាប់ការលួចលាក់ដាក់បង្គប់ទឹកថ្ងៃពេលយប់លើកផុតទឹក។ទោះជាយ៉ាងណាក៍ដោយមន្ត្រីជំនាញនៅតែមានវិធានការដូចភ្លៀងរលឹមដើម្បីលុបបំបាត់បទល្មើសជលផលអោយអស់។
លោកបានបន្តថា:មន្ត្រីជំនាញដែលដឹកនាំដោយលោក មិត្ត សុខសុភ័ក្ត នាយខ័ណ្ឌរដ្ឋបាលជលផលបន្ទាយមានជ័យ មានសហគមន៍ជលផលនិងនគបាលប៉ុស្តិ៍សំបួរស្រុកមង្គលបូរីចុះបង្ក្រាបនៅចំណុចអូរដំណាក់ព្រះអង្គរស្ថិតព្រំប្រទល់ខេត្តបន្ទាយមានជ័យនិងខេត្តបាត់ដំបង។
លោក ហ៊ី សេងគ្រី បានបន្តថា:បទល្មើសបង្ក្រាបបានមាន របាំងរ៉ាវប្រវែង៣៥០ម៉ែត្រ សាច់មងប្រវែង៣៥០ម៉ែត្រ បង្គោល៣៥ដើម ឡុកចាប់ត្រី១គ្រឿងលូស្បៃមុង១មាត់១.២គុណ១៥ម៉ែត្រ។វត្ថុតាងត្រូវបានយកមករក្សាទុកនៅសង្កាត់រដ្ឋបាលជលផលមង្គលបូរី៕
