ភ្នំពេញ ៖មានហេតុការណ៍មួយបានបង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ច ខណៈដែលបុរសចំណាស់ម្នាក់ស្រវឹងស្រាជោកជាំបើករថយន្តទៅមុខលែងរួច ក៏មកឈប់នៅកណ្តាលផ្លូវ តែម្តង។ ហេតុការណ៍ភ្ញាក់ផ្អើលនេះ កើតឡើងកាលពីវេលាម៉ោង ២ និង ៥០នាទី យប់ថ្ងៃទី២២ ខែកុម្ភៈ ឆ្នាំ ២០១៤ចំណុចមុខផ្សាររាត្រី តាមបណ្តោយព្រះស៊ីសុវត្ថិ ស្ថិតក្នុងសង្កាត់វត្តភ្នំ ខណ្ឌដូនពេញ ។
តាមសមត្ថកិច្ចបានឲ្យដឹងថា មុនពេលកើតហេតុគេបានឃើញរថយន្តមួយគ្រឿងម៉ាក ហាយឡែនឌ័រ ពាក់ស្លាកលេខ ភ្នំពេញ 2K-2138 បើកបរដោយបុរសម្នាក់អាយុប្រហែល៥០ឆ្នាំ ក្នុងទិសដៅពីកើតទៅលិច ក្នុងស្ថានភាពស្រវឹង ជោកជាំ លុះមកដល់ចំណុចខាងលើស្រាប់តែ បើករថយន្តទៅមុខលែងរួច ក៏ឈប់នៅកណ្តាលផ្លូវហើយដេកក្នុងរថយន្តតែម្តង។
ភ្លាមៗនោះ សមត្ថកិច្ចក៏បានទៅដល់កន្លែងកើតហេតុ ដើម្បីធ្វើការត្រួតពិនិត្យ និងព្យាយាមដាស់បុរសអ្នកបើកបរនោះ ឲ្យភ្ញាក់ ព្រមទាំងទាក់ទងទៅក្រុមគ្រួសារឲ្យមកទទួលយកបុរសខាងលើត្រលប់ទៅផ្ទះវិញ៕
