កំពង់ធំ=កំលាំងសមត្ថកិច្ចកងរាជអាវុធហត្ថក្រុងស្ទឹងសែន ចុះបង្ក្រាបជនល្មើសដឹកឈើប្រណឹតដោយរថយន្ដតាកូម៉ា មួយគ្រឿង ដឹកនាំកំលាំងដោយលោក សាយ ណូរ៉ា ព្រះរាជអាជ្ញារងខេត្តកំពង់ធំ កាលពីរសៀលថ្ងៃទី២១ខែសីហា ឆ្នាំ២០១៤។
លោកសាយ ណូរ៉ាបានប្រាប់អោយថាលោកបានទទួលពត័មានពីប្រជាពលរដ្នថាមានរថយន្ដ តាកូម៉ាមួយគ្រឿងពណ៍ទឹកប្រាក់ ពាក់ផ្លាកលេខ ភ្នំពេញ 2Y 3194 ដឹកឈើធ្នងពេញមួយរថយន្ដ កំពុងតែធ្វើដំណើរចេញពីរខេត្តព្រះវិហា ឆ្លងកាត់ខេត្តកំពង់ធំ ឆ្ពោះទៅខេត្តកំពង់ចាម ភ្លាមនោះលោកបានបញ្ជាអោយកងកំលាំងសមត្ថកិច្ចកងរាជអាវុធឃុំបាល័ង្គ ចុះស្ទាក់ចាប់បាននៅចំនុចទល់មុខ ទីស្នាក់ការកងរាជអាវុធឃុំបាល័ង្គផ្ទាល់តែម្ដង ក្រោយពីឃាត់បានឃើញថាមានវត្ថុតាំងឈើធ្នង់មែន ក្នុងនោះមានមនុស្ស៣នាក់ តែម្នាក់ត្រូបានរត់រួច ឯ២នាក់ទៀតជាឪពុកនិងកូន ម្ចាស់ឈើមានឈ្មោះម៉ៅ សុខ អាយុ៥០ឆ្នាំ រស់នៅភូមិ សែនរុងរឿង ឃុំជាំសាន ខេត្តព្រះវិហារ បន្ទាប់មកក៏បញ្ចូនទៅរក្សាទុក នៅផ្នែករដ្នបាលព្រៃឈើស្ទោង ដើម្បីធ្វើការវាស់វែងមានឈើ ចំនួន០,៩២ម៉ែត្រគីប ឯជនល្មើសឃាតខ្លួនបណ្ដោះអាសន្ន ដើម្បីផាកពិន៍យ រួចបញ្ចូនទៅតុលាការ ដើម្បីចាត់វិធានការតាមច្បាប់រដ្នបាលព្រៃឈើ៕
