ភ្នំពេញ៖ ម៉ូតូវេវអាល់ហ្វាបានបុកគ្នាជាមួយម៉ូតូហ្វីណូនៅចំណុចផ្លូវព្រះស៊ីសុវត្តិកែងផ្លូវលេខ១១៨ ក្នុងសង្កាត់ផ្សារកណ្ដាលមួយ ខណ្ឌដូនពេញ បណ្ដាលអោយរងការខូចខាតទាំងសងខាង កាលពីវេលា ម៉ោង១០និង១០នាទីយប់ថ្ងៃទី២៣ខែកុម្ភៈឆ្នាំ២០១៤។ប្រភពព័ត៌មានពីម្ចាស់ម៉ូតូវេវអាល់ហ្វា ពណ៌ ក្រហមលាយខ្មៅ ពាក់ស្លាកលេខ ភ្នំពេញ 1AG-4345 គាត់បានអោយដឹងថា នៅមុនពេលកើតហេតុគាត់បានជិះម៉ូតូធ្វើដំណើរតាមបណ្ដោយផ្លូវព្រះស៊ីសុវត្តិ ពីទិសដៅត្បូងទៅជើង ស្រាប់តែមកដល់កែងផ្លូវលេខ១១៨។
គាត់ក៏បានជិះម៉ូតូបត់ឆ្លងផ្លូវក៏មាន ម៉ូតូហ្វីណូមួយគ្រឿង ពណ៌ត្រួចចេកលាយស ពាក់ស្លាកលេខ ភ្នំពេញ 1BB-3730 ជិះដោយបុរសម្នាក់ បានធ្វើដំណើរតាមបណ្ដោយផ្លូវព្រះស៊ីសុវត្តិពីទិសដៅជើងទៅត្បូង ក៏ជ្រុលមកបុកម៉ូតូវេវចំមួយចំហៀង បណ្ដាលអោយម៉ូតូទាំង២គ្រឿងដួលគលើគ្នារងការខូចខាតទាំងសងខាង ប៉ុន្តែគ្រោះថ្នាក់ចរាចរនេះ មិនបណ្ដាលអោយមានមនុស្សរងរបួសធ្ងន់ធ្ងរឡើយ។
ក្រោយពេលកើតហេតុភាគីទាំង២បានធ្វើការសម្របសម្រួលគ្នានៅនិងកន្លែងព្រោះបុរសដែលជិះម៉ូតូវេវដឹងខ្លួនថាគាត់ជាអ្នកខុស ក៏ព្រមចេញថ្លៃខូចខាតអោយម្ចាស់ម៉ូតូហ្វីណូដើម្បីបញ្ចប់រឿង៕
