កំពង់ឆ្នាំង៖ កម្មករជាស្ត្រីភេទម្នាក់បានរងរបួសកេរ្ត៍ភេទយ៉ាងធ្ងន់ធ្ងរ ខណៈចោរមួយក្រុមមានគ្នា៣នាក់បានស្ទាក់វាយប្លន់យកលុយនៅពេលយប់ ដែលគាត់ចេញពីធ្វើការងាររោងចក្រជិះកង់ត្រឡប់ទៅផ្ទះវិញ។ ហេតុការណ៍នេះបានកើតឡើងនៅវេលាម៉ោង៧និង៣០នាទីយប់ ថ្ងៃទី២២ ខែសីហា ឆ្នាំ២០១៤ នៅចំណុចផ្លូវស្ងាត់ខាងក្រោយមជ្ឈមណ្ឌលស៊ីម៉ាក់ ស្ថិតក្នុងភូមិចំការតាម៉ៅ ឃុំស្រែថ្មី ស្រុករលាប្អៀរ ខេត្តកំពង់ឆ្នាំង។ 
សមត្ថកិច្ចនគរបាលបានអោយដឹងថា៖ស្ត្រីរងគ្រោះឈ្មោះ ខ ស ភ អាយុ៣៧ឆ្នាំ រស់នៅក្នុងឃុំស្រែថ្មី ស្រុករលាប្អៀរ ខេត្តកំពង់ឆ្នាំង មានមុខរបរជាកម្មការនីនៅក្នុងរោងចក្រ កាត់ដេរអឹមវ៉េ ស្ថិតនៅក្នុងក្រុងកំពង់ឆ្នាំង។ ស្ត្រីរងគ្រោះបាននិយាយអោយដឹងថា៖មុនពេលកើតហេតុ រូបនាងនិង២នាក់ទៀតជាកូនស្រីបានជិះកង់ម្នាក់មួយចេញពីរោងចក្រអឹមវ៉េនៅម៉ោង៧យប់ ជិះទៅលំនៅដ្ឋានវិញ។លុះដល់ចំណុចកើតហេតុ កូនរបស់នាងបានជិះកង់ទៅមុន ចំណែករូបនាងបានជិះតាមក្រោយ លុះដល់ចំណុចកើតហេតុជនដៃដល់ម្នាក់ក្នុងចំណោមបក្សពួកគេ៣នាក់បាន
ចាប់ទាញរានកង់ក្រោយផ្តួលរូបគាត់ បន្ទាប់មកបានចាប់ក្រៀកក យកលុយអស់ខ្មែរ៤ម៉ឺនរៀល លុយដុល្លា១០ដុល្លា និងទូរស័ព្ទ២គ្រឿង ហើយប៉ុនប៉ងចាប់រំលោភរូបគាត់ ប៉ុន្តែពេលនោះរូបគាត់បានអង្វរក និងភូតភរគេថា៖រូបគាត់មានជម្ងឺអេដស៍កុំធ្វើបាបគាត់អី ពេលនោះជនដៃដល់មិនបានរំលោភរូបគាត់ទេ តែបានយកដៃខ្វេះកកាយកេរ្ត៍ភេទគាត់ធ្វើអោយរងរបួសយ៉ាងធ្ងន់ធ្ងរ។ចំណែកកូនស្រីទាំង២នាក់ត្រូវបានបក្ខពួកគេ
២នាក់ទៀតរត់ដេញតាម តែពួកនាងបានធាក់កង់យ៉ាងលឿននិងស្រែកអោយគេជួយ។ ក្រោយពេលកើតហេតុ កូនស្រី្តរងគ្រោះបានដឹកម្តាយបញ្ជូនមកកាន់មន្ទីរពេទ្យខេត្ត អោយគ្រូពេទ្យជួយសង្គ្រោះ និងបានប្តឹងសមត្ថកិច្ច អោយជួយស្រាវជ្រាវរកជនដៃដល់ចាប់យកមកផ្តន្ទាទោសតាមផ្លូវច្បាប់៕
