ភ្នំពេញ៖ តារាចម្រៀង ស្រីប្រចាំផលិតកម្ម រស្មីហង្សមាស ពេជ្រ សោភា ដែលកំពុងស្រុតប្រជាប្រិយភាព ឥឡូវនេះបានងើបមុខឡើងវិញ សារជាថ្មី ហើយ ដោយល្បីល្បាញតាមរយៈសម្តីរបស់នាងមួយឃ្លា ដែលត្រូវបាន អ្នកលេងបណ្តាញសង្គមហ្វេសប៊ុកកាត់ត យកទៅប្រើយ៉ាងព្រោងព្រាត ។កម្មវិធី The Voice Cambodia ដែលជាកម្មវិធីដំបូង បំផុត នៅកម្ពុជា ដោយគ្រាន់តែបើកឆាកភ្លាម រងការរិះគន់យ៉ាងដំណំ ពីអ្នកលេងបណ្តាញសង្គមហ្វេសប៊ុក ជាពិសេសនោះ គឺ គ្រូបង្វឹកទាំង ៤ រួមមាន ឱក សុគន្ធកញ្ញា ពេជ្រ សោភា ណុប បាយ៉ារិទ្ធ និង លោក ឆន សុវណ្ណរាជ ។
ក្នុងចំណោម គ្រូបង្វឹកទាំង ៤ នេះ អ្នកដែលទទួលរងការរិះគន់ យ៉ាងដំណំ ជាងគេ កញ្ញា ពេជ្រ សោភា និង លោក ឆន សុវណ្ណរាជ ដោយអ្នកហ្វេសប៊ុក បាននិយាយថា តារាពីរដួងនេះ សំឡេងច្រៀង នៅមានកម្រិត ពោលគឺវល់ៗ ។ លើសពីនេះទៀត សម្តី ណែនាំ សួរដល់បេក្ខជន និងផ្តល់ជាមតិ ដែលធ្វើឲ្យពេជ្រ សោភា ល្បី នោះគឺ “ចង់ចុចដែរ តែចុចអត់ទាន់” ក្រោយពីបានឭសម្តីនេះដែរ អ្នកលេងហ្វេសប៊ុក បានយកទៅច្នៃ ធ្វើជា
រូបភាព Comments ដោយបន្ថែមពាក្យ Like ភ្ជាប់និងរូបភាព តារាចម្រៀង ពេជ្រ សោភា ដោយសរសេរថា ” ចង់ចុច like ដែរ តែចុចអត់ទាន់ ” ។ រូបភាព កែច្នៃ នេះត្រូវបានក្លាយ ជារូបភាព Comments កំពុងពេញនិយមបំផុត សម្រាប់អ្នកលេងបណ្តាញសង្គមហ្វេសប៊ុក នៅពេលបច្ចុប្បន្ននេះ ៕
