ខេត្តពោធិសាត់ៈ រថយន្ដធុនធំទទេមួយគ្រឿង ដែលមានគោលបំណង ទៅដឹកកសិផលនៅឯទីរួមស្រុកវាលវែង នោះ ។ បានធ្វើចរាចរណ៍លើផ្លូវលេខ៥៦ឆ្លងស្ពានចំណុចទួលគ្រោះ កាលពីវេលាមោ៉ង ៩និង៣០នាទីយប់ ថ្ងៃទី២២ ខែសីហា ឆ្នាំ២០១៤ ស្ថិតក្នុងភួមិស្ទឹងថ្មី ឃុំប្រមោយស្រុកវាលវែង ខេត្តពោធិសាត់ ។
ក៍បណ្ដាលអោយបាក់ស្ពានដែកមួយកន្លែងនោះបាក់ខូចខាតទាំងស្រុង ឯរថយន្តខូចខាតមួយចំនួន និងពុំមានគ្រោះថ្នាក់ដល់ជីវិតមនុស្សណាឡើយ។ បើតាម រដ្ឋបាលប៉ុស្ត៍ ទីនោះបាននិយាយអោយដឹងថា បន្ទាប់ពីមានហេតុការណ៍នេះភ្លាម អ្នកធ្វើដំណើរទៅមក នៅលើផ្លូវនោះត្រូវបានត្រូវបានកកស្ទះជាច្រើនម៉ោងទៅមកមិនបាន ។
លោកបានបន្តអោយដឹងរហូតមកថ្ងៃទី២៣ ខែសីហា ឆ្នាំ២០១៤ វេលាមោ៉ង១២និង៣០ថ្ងៃ ទើបអ្នកដំណើរធ្វើដំណើរទៅមកបាន ដោយសាតែ ក្រុមហ៊ុន MDS យកគ្រឿងច័ក្រមកត្រួសត្រាយធ្វើផ្លូវវាងទីតាំងនេះ អស់មួយព្រឹកធំរូច ។ អាជ្ញាធម៏នៅទីនោះ បានប្រាប់កម្ពុជាថ្មីអោយដឹងថា ខាងថៅកែម្ចាស់រថយន្ថបានទទួលខុសត្រូវ សាងសង់ស្ពាននេះជូនវិញ ។ 
ឯក្រុមហ៊ុន MDS និយាយប្រាប់ខាងអាជ្ញាធម៏ថា ខាងក្រុមហ៊ុនបានកំពុងបន្តសម្រួលផ្លូវស្ពានថ្មីបណ្ដោះអាសន្ននេះជូន អ្នកធ្វើដំណើរទៅមក អោយបានងាយស្រួលជាងនេះ ទម្រាំតែស្ពាននោះធ្វើបានរូចរាល់ ក្រោមការត្រួតពិនិត្យល្អិតល្អន់របស់មន្ទីសាធារណះការ និង ដឹកជញ្ជូនរបសខេត្ត ។
