ខេត្តសៀមរាប៖ កន្លងទៅសារព័ត៌មានក្នុងស្រុកមួយចំនួនបានធ្វើការចុះផ្សព្វផ្សាយបកអាក្រា តពីកម្លាំងសមត្ថកិច្ចមកពីក្រសួងមហាផ្ទៃ នឹង សមត្ថកិច្ចក្នុងខេត្តមួយចំនួនបានធ្វើការជួលផ្ទះ ប្រជាពលរដ្ឋនៅតាមដងផ្លូវសេដ្ឋកិច្ចសំខាន់ៗធ្វើជាស្នាក់ការដើម្បីឲ្យក្រុមឈ្មួញចូលបង់លុយ និង សម្រាប់ទុកប្រដេញបទល្មើសផ្សេងៗក្នុងខេត្តសៀមរាប ដែលមិនបានចូលទៅបង់លុយ។
រហូតមកដល់សព្វថ្ងៃនេះគេសង្កេតឃើញមានសកម្មភាពទាំងនោះនៅតែកើតឡើងលើសគ្រាមុនទៅទៀត ហើយករណីនេះគេសង្ស័យថា មានកាដូពិសេសជូនថ្នាក់លើខ្លះហើយ។ បើតាមប្រភពព័ត៌មានពីអ្នកឃ្លាំមើលបទល្មើសនៅក្នុងខេត្តសៀមរាបបានប្រាប់ថា មាន ស្នាក់ការរបស់ប៉ូលិសសេកិច្ចក្រសួងមហាផ្ទៃ ដែលមានលោកសក្ក័៤ ឡុង សំអឿនជាមេកើយបានដាក់ពង្រាយកូនចៅរបស់ខ្លួននៅតាមបណ្តារស្រុកដើម្បីប្រមូលលុយពីបទល្មើសផ្សេងៗ ដាក់ហោប៉ៅ និង បង់ខែឲ្យទៅថ្នាក់លើ ដើម្បីឲ្យខ្លួនបានឈរជើងនៅក្នុងខេត្តសៀមរាបតទៅ ទៀត។ហើយបើបទល្មើសណាមិនបានបង់លុយឲ្យពួកគេ គេនឹងធ្វើសកម្មភាពប្រដេញ រួច រាយការណ៍ដើម្បីសុំគោលការណ៍ចាប់តែម្តង ដូច្នេះហើយទើបក្រុមឈ្មួញមួយចំនួនមិនដែល ហ៊ានលោតឆ័ត្ររំលងប៉ូលិសសេដ្ឋកិច្ចបានឡើយ។
ប្រភពដដែលបានបន្តទៀតថា បច្ចុប្បន្ន នេះឈើគ្រញូងកំពុងលួចឆ្មក់ដឹកជញ្ជូនឈើគ្រញូង និង ឈើប្រណិតឆ្លងកាត់ខេត្តសៀមរាបយ៉ាងគគ្រឹកគគ្រេងដោយមិនហ៊ានមើលរំលងលោកឡុងសំអឿនបានឡើយ។ ទាក់ទិនទៅនឹងការលើកឡើងខាងលើនេះដែរ លោកវរៈសេនីយ៍ត្រី ឡុង សំអឿន ដែលជាមេប៉ូលិសសេដ្ឋកិច្ចក្រសួងប្រចាំខេត្តសៀមរាបមិនអាចទាក់ទងសុំការបំភ្លឺពីលោកបានទេនៅព្រឹកថ្ងៃទី២៣ខែសីហានេះដោយទូរស័ព្ទរបស់លោកនៅក្រៅតំបន់សេវា។
សូមរំលឹកផងដែរថា ដើម្បីអនុវត្តន៍តាមបទបញ្ជារបស់ប្រមុខនៃរាជរដ្ឋាភិបាល កន្លងទៅ អជ្ញាធរខេត្ត និង អជ្ញាធរនៅតាមបណ្តារស្រុកបានកោះហៅសមត្ថកិច្ចដែលលើកស្នាក់ការ នៅតាមដងផ្លូវឲ្យរៀបចំច្បាប់ទម្លាប់ និង រក្សាសន្តិសុខសណ្តាប់ធ្នាប់ឲ្យបានល្អកុំឲ្យប៉ះពាល់ ដល់ការធ្វើដំណើររបស់ប្រជាពលរដ្ឋក៏ដូចជាភ្ញៀវទេសចរណ៍ ។ រហូតមកដល់ពេលបច្ចុប្បន្ននេះ គេនៅទន្ទឹងរកចាំមើលថា តើអជ្ញាធរខេត្ត អាចមានវិ ធានការយ៉ាងណា ដើម្បីឲ្យខេត្តសៀមរាបដែលជាតំបន់ទេសចរណ៍ដ៏មានសារៈសំខាន់មួយនេះ គ្មានកុងត្រូលជជុះកើតមានយ៉ាងអាណាធិបតេយ្យតទៅទៀត ឲ្យស្របទៅនឹងបទបញ្ជា របស់ប្រមុខនៃរាជរដ្ឋាភិបាល៕
