ជម្លោះ​ពាក្យសម្តី​ឈាន​ដល់​ហិង្សា​រវាង​ក្រុមគ្រួសារ​លោក​មេភូមិ​ទឹកថ្លា ជាមួយ​ក្រុម​អ្នក​ដើរ​ទិញ​អេតចាយ អ្នកចាញ់​ដេកពេទ្យ អ្នកឈ្នះ​ដេក​ទ្រុង​

0

​រាជធានី​ភ្នំពេញ​-​មនុស្ស​៤​នាក់​ត្រូវបាន​កម្លាំង​កងរាជអាវុធហត្ថ​ខណ្ឌ​សែន​សុខ​ចាប់វាយ​ខ្នោះ យកទៅ​ដាក់​ទ្រុង បន្ទាប់ពី​បាន​បង្ក​ជម្លោះ​ជាមួយ​ក្រុម​គ្រួសារ​លោក​មេ​ភូមិ​ទឹកថ្លា​រហូតដល់​ថ្នាក់ វាយ​ក្មួយប្រុស​ម្នាក់​របស់លោក​មេភូមិ​បណ្តាលអោយ​រង​របួស​ដេកពេទ្យ ហេតុការណ៍​នេះ បាន​

កើតឡើង​កាលពី​វេលា​ម៉ោង​៨​នឹង​១៥​នាទី​យប់​ថ្ងៃទី​២៤​ខែ​សីហា​ឆ្នាំ​២០១៤​នៅក្រោយ ក្រសួង​ពាណិជ្ចកម្ម ទល់មុខ​ផ្ទះ​លោក​មេភូមិ​ទឹកថ្លា​តែម្តង់ ស្ថិតក្នុង​ភូមិ​ទឹកថ្លា សង្កាត់​ទឹកថ្លា ខណ្ឌ​សែន​សុខ​។ បុរស​ទាំង​៤​នាក់​ដែល​ត្រូវ​កងរាជអាវុធហត្ថ​ខណ្ឌ​សែន​សុខ​ធ្វើការ​ឃាត់ខ្លួន​នោះ​ទី​១​ឈ្មោះ​យឹម លាភ អាយុ​២៩​ឆ្នាំ ទី​២​ឈ្មោះ​យ៉ាន នី ២៧​ឆ្នាំ ទី​៣​ឈ្មោះ​ផន ឆ​វ័ន្ត អាយុ​២៥​ឆ្នាំ ទាំង​៣​នាក់​ស្នាក់នៅ ផ្ទះ​ជួល​ជាមួយ​គ្នា​នៅ​កន្លែងកើតហេតុ​ខាងលើ ទី​៤​ឈ្មោះ​ស៊ឹម វណ្ណះ អាយុ​២២​ឆ្នាំ ស្នាក់នៅ ផ្ទះជួល​សង្កាត់​កា​កាប់​ខណ្ឌ​ពោធិ៍​សែន​ជ័យ ទាំង​៤​នាក់​ប្រកបមុខរប​ដើរ​ទិញ​អេតចាយ ។ ចំណែក ក្មួយប្រុស​លោក​មេ​ភូមិ​ទឹកថ្លា​ដែល​រងរបួស​បែកក្បាល​ដេកពេទ្យ​នោះ​ឈ្មោះ​គីម ហៀ​ង អាយុ​២២​ឆ្នាំ មុខរប​ជាង​ជួសជុល​រថយន្ត ស្នាក់នៅ​ម្តុំ​កើតហេតុ​ខាងលើ ។​
​តាម​ការ​អោយ​ដឹង​ពី​ភាគី​ខាង​អ្នកដើ​រទិញ​អេតចាយ​ទាំង​៤​នាក់​បាន​ប្រាប់​អោយដឹងថា​មុនពេល កើតហេតុ ពួកគេ​ទាំង​៤​នាក់​បាន​អង្គុយ​ផឹកស្រា​បៀរ​នៅក្នុង​ផ្ទះជួល​របស់​ខ្លួន​តាំងពីរ ម៉ោង​៥​ល្ងាច​រហូតដល់​ម៉ោង​៨​យប់​ទើប​ចប់ ហើយ​ពេល​ផឹក​ចប់​មាន​មិត្តភក្តិ​ម្នាក់​ឈ្មោះ​ស៊ឹម វណ្ណះ បាន​ជិះ​ម៉ូតូ​ចេញពីរ​ផ្ទះជួល​ក្នុង​គោលបំណង់​ត្រលប់​ទៅផ្ទះ​វិញ​នៅ​ម្តុំ​ផ្សារ​សិន​ជូ​រី​ផ្លា​ហ្សា ដោយ ជិះ​ម៉ូតូ​ចេញពីរ​មុខ​ផ្ទះ​ជួល​មិនទាន់បាន​១០០​ម៉ែត្រ​ផង​ស្រាប់តែ​មាន​យុវជន​២​នាក់​ជា​ក្មួយប្រុស​លោក​មេ​ភូមិ​ទឹកថ្លា​បាន​ហៅ​អោយ​មិត្តភក្តិ​គាត់​ឈប់​ម៉ូតូ​រួច​ក៏​វាយ​ទៅលើ​មិត្តភក្តិ​គាត់​តែ​ម្តង់​ធ្វើអោយ​មិត្តភក្តិ​របស់​គាត់​ភ័យ​ស្លោ​ន​ស្លោរ​ស្មានតែ​ថា​ត្រូវ​ចោរ​វាយ​ប្លន់​យក​ម៉ូតូ​ក៏​បាន​ស្រែក​អោយ​ពួកគាត់​ជួយ ឃើញ ដូច​នោះ​ពួកគាត់​បាន​រត់​ទៅ​ជួយ​ហើយ​ក៏​បាន​វាយតប​គ្នា​ទៅវិញទៅមក​ជាមួយ​ក្មួយប្រុស​លោក​មេភូមិ ទាំង​២​នាក់​នោះ ហើយ​ពេល​កំពង់​វាយតប់​គ្នា​បណ្តាល​អោយ​ក្មួស​ប្រុស​លោក​មេ​ភូមិ​ទឹកថ្លា​ម្នាក់ ឈ្មោះ​គីម ហៀ​ង អាយុ​២២​ឆ្នាំ​បាន​រងរបួស​បែកក្បាល ពេលនោះ​ស្រាប់តែ​លេចមុខ​លោក​មេភូមិ​ទឹក ឈ្មោះ​សំ ស៊ីថា បាន​រត់ចេញ​ពី​ក្នុង​រថយន្ត​មួយ​គ្រឿង​ដោយ​ដៃ​មាន​កាន់​កាំភ្លើងខ្លី​១​ដើម បានមក សំ​ម្លុ​ត​គំរាម​រក​បាញ់​ពួកគាត់​ទាំង​៤​នាក់ នឹង​ធ្វើការ​ឃាត់ខ្លួន​ពួក​គាត់​ទាំង​៤​នាក់​អោយ​នៅ​កន្លែង រងចាំ​សមត្ថកិច្ច​មក​ដល់ ។​ពួកគាត់​ទាំង​៤​នាក់​បាន​បន្ត​ទៀត​អោយដឹង​ទៀត​ថា​ពេល​នោះ​ប៉ូលីស ប៉ុស្តិ៍​ទឹកថ្លា​២​នាក់ បាន​ទៅដល់​កន្លែង​ហេតុ​ហើយ​ពេល​ប៉ូលីស​កំពង់ធ្វើការ​សួរនាំ​ពួកគាត់ ទាំង​៤​នាក់​នោះ ស្រាប់តែ​លេច​មុខ​មនុស្ស​១​ក្រុម​មាន​គ្នា​ប្រមាណ​១០​នាក់​ដែល​គេ​ស្គាល់​ច្បាស់​ថា ជា​គ្រួសារ​លោក​មេភូមិ​ទឹកថ្លា​បាន​ដើរ​មក​វាយ​លើ​ពួកគេ​ទាំង​៤​នាក់​ដោយ​មិន​ខ្លាច​សមត្ថកិច្ច​ដែល​កំពង់ធ្វើការ​សួរនាំ​បន្តិច​ឡើយ ទើប​បង្ក​អោយមាន​ភាព​ភ្ញាក់ផ្អើល​ដល់​កងរាជអាវុធហត្ថ​ខណ្ឌ​សែន​សុខ ដែល​នៅ​ឈរ​មើល​នៅក្បែរៗ​នោះ​ឃើញ​បាន​ទៅ​ធ្វើ​ការអន្តរាគមន៍​ដេញ​ចាប់​តែ​បែប​ជា​មក​ចាប់បាន​តែ ពួកគាត់​ទាំង​៤​នាក់​ហើយ​វាយខ្នោះ​ពួកគាត់​ថែម​ទៀត ឯល​មនុស្ស​១​ក្រុម​ប្រមាណ​១០​នាក់ ជា​ក្រុម​គ្រួសារ​លោក​មេភូមិ​ទឹកថ្លា​នោះ​វិញ​គ្មាន​នរណា​ហ៊ាន​ឃាត់ខ្លួន​នឹង​ចាប់​វាយខ្នោះ​ឡើយ បើ​ទោះបីជា​ពួក​គាត់​ប្រឹង​ស្រែក​ប្រាប់​ថា​ពួកគាត់​ជា​ជនរងគ្រោះ​ត្រូវគេ​វាយ​យ៉ាងណាក៏ដោយ​។ តែ​បើ​តាម​ការ​អោយ​ដឹង​ពី​លោក​សំ ស៊ីថា ជា​មេភូមិ​ទឹកថ្លា​បាន​អោយ​ថា​មុនពេល​កើតហេតុ លោក​បាន​កំពង់​ជិះឡាន​ត្រឡប់​មកពីរ​ធ្វើការ​ស្រាប់តែ​បុរស​ទាំង​៤​នាក់​នោះ​កំពង់​វាយ​ក្មួយប្រុស របស់​គាត់​ម្នាក់​ឈ្មោះ​គីម ហៀ​ង បណ្តាលអោយ​បែកក្បាល​ហូរ​ឈាម​ស្រោម​ពេញ​ខ្លួន​ឃើញ​ដូច នោះ​គាត់​ក៏​ចូល​ទៅ​ឃាត់​ពួកគេ​តែ​ដោយ​មិន​ស្តាប់​គាត់​ក៏​បាន​ទាក់ទង​ទៅ​សមត្ថកិច្ច​អោយ​ជួយ​ចុះមក អត្ត​រាគ​មន៍​នៅ​លម​កន្លែងកើតហេតុ​តែ​ម្តង់​ទៅ ហើយ​ពេល​សមត្ថកិច្ច​មក​ដល់​គាត់​ក៏​បាន​បញ្ចូន​ក្មួយប្រុស របស់គាត់​ដែល​រងរបួស​នោះ​ទៅ​សង្គ្រោះ​នៅ​មន្ទីរ​នៅក្បែរៗ​នោះ​។​ហើយ​គាត់​ក៏​មិន​ថា​ជម្លោះ​នោះ​ផ្តើមចេញ​ពី​រឿង​អ្វីដែល​។​ក្រោយពេល​កើតហេតុ​កងរាជអាវុធហត្ថ​ខណ្ឌ​សែន​សុខ​បាន​បញ្ចូន​ខ្លួន​បុរស​ទាំង ៤​នាក់​យកទៅ​ធ្វើការ​សាកសួរ​នៅ​ទី​បញ្ចា​ការ​កងរាជអាវុធហត្ថ​រាជធានី​ភ្នំពេញ​ដើម្បី​ធ្វើ​ការដោះស្រាយ​គ្នា​ទៅ​តាម​ផ្លូវច្បាប់​៕​

1 2