ភ្នំពេញ ៖ គូរដណ្តឹងមួយគូរកំពុងតែជិះម៉ូតូទៅផ្ទះត្រូវម៉ូតូមួយគ្រឿងទៀតជិះបញ្ចាស់មកបុកចំពីមុខ ពេញមួយទំហឹងបណ្តាលអោយយុវជនពីនាក់រងរបួសស្រាល។ហេតុការណ៏នេះកើតនៅវេលាម៉ោង១១និង១០នាទីយប់ថ្ងៃទី២៥ខែសីហាឆ្នាំ២០១៤ តាមបណ្តោយផ្លូវលេខ៣៧១ ទុលមុខនិង
ក្រុមហ៊ុនសានជៀវ ខូអិលធីឌី ស្ថិតក្នុងសង្កាត់បឹងទំពុន ខណ្ឌមានជ័យ ។
បើតាមប្រភពពត៌មានពីកន្លែងកើតហេតុបានអោយដឹងថានៅមុនពេលកើតហេតុគេបាន ឃើញម៉ូតូមួយគ្រឿងម៉ាក គុប ពណ៌ខៀវ ពាក់ស្លាកលេខ ភ្នំពេញ 1CG-8474 ដែលបើកដោយ បុរសម្នាក់និងរួមដំណើរដោយនារីម្នាក់ ទិសដៅពីកើតទៅលិច ក្នុងគោលបំណងត្រលប់ទៅផ្ទះ តែនៅពេលមកដល់ចំនុចកើតហេតុស្រាប់តែមានម៉ូតូមួយគ្រឿងទៀតម៉ាក អាយខន ពណ៌ខ្មៅលាយទឹកក្រូច ពាក់ស្លាលលេខ ភ្នំពេញ1AQ-1814 ជិះដោយយុវជនម្នាក់ដែលទើបតែ ចេញពីផឹកស៊ី ជិះបញ្ចាស់ក្នុងទិសដៅពីកើតទៅលិចទៅបុកនិងម៉ូតូគុបពេញមួយទំហឹង បណ្តាលអោយដួលនិងធ្វើអោយយុវជន២នាក់រងរបួសស្រាលនិងខូចខាតម៉ូតូទាំងសងខាង ហេតុការណ៏នេះកើតនៅតាមបណ្តោយផ្លូវលេខ៣៧១ស្ថិតក្នុងសង្កាត់បឹងទំពុន ខណ្ឌមានជ័យ ។
ក្រោយពេលកើតហេតុយុវជនដែលជិះម៉ូតូម៉ាកអាយខនបានសងសំនងទៅម្ចាស់ម៉ូតូ ចំនួន២០ដុល្លាដើម្បីបញ្ចប់រឿង៕
