ព្រះសីហនុ: បែកធ្លាយក្លិនស្អុយ ទង្វើរបស់លោក ចេង ស្រុង ប្រធានមន្ទីររៀបចំដែនដីខេត្តព្រះសីហនុ ចេញប្លង់ដីកម្មសិទ្ធ.ដែលជាដីព្រៃកោងកាង និងជាសម្បត្តិរបស់រដ្ឋ.ឲ្យទៅឪពុកមារបស់ខ្លួនលើទំហំដី៣០ហិកតា។
អំពីពុករលួយរបស់លោកចេង.ស្រុង.ត្រូវបានលាតត្រដាងរឿងចេញប័ណ្ណកម្មសិទ្ធិដីធ្លី ចំនួន៧ប័ណ្ណឲ្យឪពុកមារបស់ខ្លួនលើទំហំដី៣០ហិកតា គ្របដណ្តប់ទៅលើព្រៃកោងកាង នៅក្នុងភូមិព្រៃសង្កែ ឃុំទឹកថ្លា ស្រុកព្រៃនប់ ខេត្តព្រះសីហនុ។
ប្រជាពលរដ្ឋ.បានសំណូមពរលោក គួច ចំរើន អភិបាលខេត្តព្រះសីហនុ និងលោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនីយកម្ម សំណង់ និងសុរិយោដី មេត្តាជួយបើកយុទ្ធនាការចុះស៊ើបអង្កេត ស្រាវជ្រាវភាពមិនប្រក្រតី.របសលោកចេង ស្រុង ផង ព្រោះជាតំបន់ព្រៃកោងកាង ជាតំបន់អភិរក្សជីវចម្រុះនៅក្នុងភូមិព្រៃសង្កែ ឃុំទឹកថ្លា ស្រុកព្រៃនប់ ខេត្តព្រះសីហនុ។
តាមប្រភពពីមន្ត្រីរាជការក្នុងមន្ទីររៀបចំដែនដីខេត្តព្រះសីហនុ បានឲ្យដឹងថា មួយរយៈកន្លងទៅនេះរឿងអាស្រូវពុករលួយរបស់លោក ចេង ស្រុង ប្រធានមន្ទីររៀបចំដែនដីនគរូបនីយកម្ម សំណង់ និងសុរិយោដីខេត្តព្រះសីហនុ
ប៉ុន្តែថ្នាក់ដឹកនាំក្រសួងរៀបចំដែនដី មិនទាន់ចាត់វិធានការណាមួយទៅលើលោក ចេង ស្រុង នៅឡើយទេ ហើយអង្គភាពប្រឆាំងអំពើពុករលួយដែលមានលោក ឱម យ៉ិនទៀង ជាប្រធានក៏មិនទាន់បើកការស៊ើបអង្កេតទៅលើរឿងអាស្រូវពុករលួយរបស់លោក ចេង ស្រុង នោះដែរ។
តាមសេចក្តីរាយការណ៍.បានឲ្យដឹងថា ហេតុតែលោក ចេង ស្រុង ហ៊ានប្រព្រឹត្តអំពើពុករលួយ.បក្ខពួកនិយម.ដោយមិនខ្លាចញញើត គឺមានខ្នងបង្អែកដ៏រឹងមាំ ទើបហ៊ានចេញប័ណ្ណកម្មសិទ្ធិដីធ្លីមានភាពមិនប្រក្រតីឲ្យអ្នកមានលុយ មានអំណាចនិងឪពុកមារបស់ខ្លួនជាច្រើនប័ណ្ណដោយគ្មានខ្លាចក្រែងអ្វីទាំងអស់។
បងប្អូនប្រជាពលរដ្ឋព្រមទាំងមន្ត្រីរាជការស្នើសុំអោយឯកឧត្តម ឱមយិន ទៀង ប្រធានអង្គភាពប្រឆាំងអំពើពុករលួយមេត្តាដាក់ការស៊ើបអង្កេតពាក់ព័ន្ធករណីលោកប្រធានមន្ទីររូបនេះផងទាន
