កំពង់ឆ្នាំង៖មេចែកចាយនិងជួញដូរថ្នាំញៀន ប្រុសស្រី៣នាក់ត្រូវបានសមត្ថកិច្ចចាប់ខ្លួនក្នុងករណី២ផ្សេងគ្នាតាមការចង្អុលបង្ហាញពីប្រជាពលរដ្ឋ នៅពេលដែលគេទូរសព្ទ័សុំទិញថ្នាំញៀន យកទៅជួញដូរនិងចែកចាយបន្ត។ករណីបង្ក្រាបខាងលើនេះបានធ្វើឡើងវេលាព្រឹកថ្ងៃទី២៦ ខែសីហា ឆ្នាំ២០១៤ នៅចំណុចវង្វង់មូលមុខស្តាតចាស់ ក្នុងភូមិឡទឹកត្រី និងនៅមុខសាលាបុណ្យភូមិ ទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង។
សមត្ថកិច្ចក្នុងការិយាល័យនគរបាលប្រឆាំងគ្រឿងញៀនខេត្តបានអោយដឹងថា៖ករណីទី១ ស្ត្រីជាមេចែកចាយគ្រឿនញៀននោះមានឈ្មោះ កា សុរិយារង្សី (ហៅចង្រិត)អាយុ២០ឆ្នាំ រស់នៅក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង ស្ត្រីរូបនោះទើបតែចេញពីពន្ធនាគារបានជាង១ឆ្នាំ ក៏បានរកស៊ីមុខរបរជួញដូរថ្នាំញៀនបន្តទៀត។ មុនពេលចាប់ខ្លួនរូបគេបាន ស្ត្រីរូបនោះ បានទូរសព្ទ័មកសុំទិញថ្នាំញៀនពីមេជួញដូរថ្នាំញៀនម្នាក់ យកទៅចែកចាយបន្ត ក្នុងពេលទូរសព្ទ័សមត្ថកិច្ច ដែលកំពុងតាមដានស្រាវជ្រាវមុខសញ្ញានេះក៏បានឡោមពទ្ធ័ចាប់ខ្លួនបានតែម្តង នៅចំណុចរង្វង់មូលស្តាត់ចាស់ ភូមិឡទឹកត្រី ដោយដកហូតបាន ម៉ូតូ១គ្រឿងម៉ាកហុងដា ឌ្រីមសេរី២០០៨ ពណ៍ខ្មៅ ពាក់ស្លាកលេខកំពង់ឆ្នាំង1B-1125 ទូរសព្ទ័ដៃ១គ្រឿង និងប្រាក់៨ម៉ឺនរៀល។
ករណីទី២នៅម៉ោង១១និង៤៥នាទីព្រឹកថ្ងៃដដែល បុរស២នាក់ក៏ត្រូវបានសមត្ថកិច្ច ឡោមពទ្ធ័ចាប់ខ្លួនបានដូចករណីខាងលើនេះដែរ នៅមុខសាលាបុណ្យភូមិទួលករឡាញ់ ក្នុងភូមិទួលក្រឡាញ់ សង្កាត់កំពង់ឆ្នាំង បុរសទី១ឈ្មោះ រិទ្ធ សារឿន អាយុ២៥ឆ្នាំ រស់នៅ ភូមិសំរោង សង្កាត់ផ្សារឆ្នាំង ទី២ឈ្មោះ សន ដែត អាយុ២៥ឆ្នាំ រស់នៅភូមិកណ្តាល សង្កាត់កំពង់ឆ្នាំង។ក្នុងការបង្ក្រាបនេះសមត្ថកិច្ចដកហូតបានប្រាក់៩៣២០០រៀល ម៉ូតូម៉ាក ស៊ីរ៉ូសពណ៍ក្រហម១គ្រឿអត់ស្លាកលេខ។
សមត្ថកិច្ចបានអោយដឹងទៀតថា៖ករណីបង្ក្រាបទទួលបានលទ្ធផលល្អខាងលើនេះ និងកាលពីល្ងាចថ្ងៃទី២៥ ខែសីហា ដោយសារការសហការគ្នាបានល្អ រវាងសមត្ថកិច្ចនគរ បានការិយាល័យប្រឆាំងគ្រឿងញៀនខេត្ត នគរបាលក្រុងកំពង់ឆ្នាំង នគរបាលប៉ុស្តិមូល ដ្ឋាន និងប្រជាការពារភូមិ ក្រោមការបញ្ជារផ្ទាល់ពីលោកស្នងការនគរបាលខេត្ត។ មេចែកចាយនិងមេជួញដូរថ្នាំញៀនទាំង៣នាក់ខាងលើ ត្រូវបានការិយាល័យជំនាញ កសាងសំណុំរឿងតាមផ្លូវច្បាប់ បញ្ជូនខ្លួនជនទាំង៣នាក់និងសំភារហដែលដកហូតបានខាងលើ ទៅកាន់សាលាដំបូងខេត្ត ចាត់ការបន្តតាមនិតិវិធី៕
