ភ្នំពេញ៖ មនុស្ស២នាក់បានរង់របួសធ្ងន់ខណៈដែលពូកគេកំពុងជិះម៉ូតូហុងដាសេ១២៥ មួយគ្រឿង ចេញពីធ្វើការក៍ត្រូវ រថយន្ដឡុចស៊ីស៤៧០មួយគ្រឿង បើកដោយបុរសម្នាក់ស្រវឹងជោកជាំ បុកក្នុងទិសដៅបញ្ច្រាសគ្នាយ៉ាងពេញទំហឹង ហើយរថយន្ដបង្ករព្យាយាមបើករត់គេចទៅបុក
បង្គោលភ្លើងបាក់អស់១ដើមហើយរថយន្ដដាច់គ្លេបើកទៅមុខលែងរួច។
ហេតុការនេះកើតឡើងកាលពីវេលាម៉ោង ១២ និង ២០ យប់ឈានចូលថ្ងៃ ទី ២៥ ខែ កក្ដដា ឆ្នាំ ២០១៤ ត្រង់ចំណុច មុខមន្ទីរពេទ្យគន្ធបុប្ផា តាមបណ្ដោយផ្លូវ ៤៧ក្នុងសង្កាត់សង្កាត់វត្តភ្នំ ខណ្ឌដូនពេញ ។
យោងទៅសាក្សីដែលនៅកន្លែងកើតហេតុបានអោយដឹងថា មុនពេលកើតហេតុគេឃើញ រថយន្ដឡុចស៊ីស៤៧០ មួយគ្រឿង ពណ៍ខ្មៅ ពាក់ស្លាកលេខ ភ្នំពេញ 2M0909 បើកបុរសម្នាក់ស្រវឹងជោកជាំ និងនារី២នាក់រួមដំណើរជាមួយ ធ្វើដំណើរតាមបណ្ដោយផ្លូវ រង្វង់មូលវត្តភ្នំ ក្នុងទិសដៅពីត្បូងទៅជើង បើករ៉េពេញផ្លូវ ខណៈដែលមកដល់ចំណុច កើតហេតុខាងលើ ក៍រ៉េចង្កូតទៅបុក ម៉ូតូហុងដាឌ្រីមសេ១២៥ មួយគ្រឿង ពណ៍ខ្មៅ ពាក់ស្លាកលេខ កំពងចាម 1A.6532 ជិះដោយបុរសនារី២នាក់ ទើបតែវចេញពីធ្វើការនៅកាសា ធ្វើដំណើរតាមបណ្ដោយផ្លូវ ៤៧ ក្នុងទិសដៅ ពីជើងទៅត្បូង ក្នុងទិសដៅបញ្ច្រាសគ្នាយ៉ាងពេញទំហឹង បណ្ដាលអោយបុរសនារី២នាក់ខាងលើ រងរបួសធ្ងន់ ត្រូវរថយន្ដសាមុយដឹកទៅសង្គ្រោះនៅមន្ទីរពេទ្យ ។ហើយភ្លាមៗនោះរថយន្ដបង្ករព្យាយាមបើករត់គេចបន្តទៅដល់ ចំណុចស្ពានជ្រោយចង្វាត្រោយខាងកើតក៍បានទៅបុកបង្គោលភ្លើងបាក់អស់១ដើមហើយរថយន្ដដាច់គ្លេបើកទៅមុខ លែងរួច ហើយបុរសស្រវឹងជាអ្នកបង្ករខាងលើបានបើកទ្វាររថយន្ដឡើងលើម៉ូតូឌុបរត់គេចបាត់មោល សល់តែនារី ជាអ្នករួមដំណើរជាមួយរថយន្ដបង្ករ សួរចុះសួរឡើងនារីនេះជាម្ចាស់រថយន្ដ ។
ក្រោយពីកើតហេតុសមត្ថកិច្ចអោយសមត្ថកិច្ចជំនាញធ្វើការវាស់វែងយករថយន្តបង្ករនិងម៉ូតូទាំង២គ្រឿងខាងលើ ទៅរក្សាទុកនៅការិយាល័យចរាចរជើងគោកនៃស្នងការដ្ឋាននគរបាលរាជធានីភ្នំពេញដើម្បីធ្វើការដោះស្រាយគ្នា តាមផ្លូវច្បាប់៕
