ឧត្តរមានជ័យៈ នៅវេលាម៉ោង៤រសៀលថ្ងៃទី២៦ ខែសីហា ឆ្នាំ២០១៤ កម្លាំងនគរបាលប៉ុស្តិ៍រដ្ឋបាលលំទងចំនួន៥នាក់ដឹកនាំដោយលោកនាយប៉ុស្តិ៍បានអនុវត្តន៍បង្ក្រាបរទេះគោដឹកឈើប្រភេទក្តារស្តើង ចំនួន៦៥សន្លឹក ដោយធ្វើការឃាត់ខ្លួនម្ចាស់រទេះដឹកឈើរួមទាំងវត្ថុតាងងទាំងអស់យក មករក្សាទុកនៅប៉ុស្តិ៍នគបាលខាងលើ ។ 
ហេតុការនេះបាeនកើតឡើងនៅចំណុចភ្នំដី ស្ថិតក្នុងភូមិស្រឡៅស្រោង ឃុំលំទង ស្រុកអន្លង់វែង ខេត្តឧត្តរមានជ័eយ ។ តាមការរៀបរាប់របស់លោក ភឿត ភើយ ភេទប្រុស អាយុ៣៩ឆ្នាំ ជាម្ចាស់រទេះគោបានអោយដឹងព្រឹកថ្ងៃទី២៧ ខែសីហានេះថា ដំបូងមានកម្លាំងប៉ូលីស២នាក់ទៅឃាត់រទេះគោរបស់គាត់ដោយជំរិតទាលុយ១លាន៛ ពេលនោះគាត់សុំអង្វរនៅសល់ចំនួន៤០ម៉ឺនរៀល ដោយចំនួន៤០ ម៉ឺនរៀលនេះគាត់ក៍មិនមានលុយអោយសមត្ថកិច្ចប៉ូលីស រហូតដល់មានការរាយការណ៍ទៅដល់អធិការ កម្លាំងប៉ុស្តិ៍ក៍បានឃាត់ខ្លួននិងវត្ថុតាងយកមករក្សានៅប៉ុស្តិ៍រដ្ឋបាលខាងលើ ដោយជំរិតទាលុយ២លានរៀលជាថ្នូរដោះលែងទៅវិញ ពេលនេះក្រុមគ្រួសារជនរងគ្រោះដែលជាគ្រួសារក្រីក្ររកំពុងតែរត់ខ្ចីលុយអ្នកស្រុកលោះខ្លួនប្តីទៅវិញ ។ 
e
ជំវិញករណីខាងលើ លោកនាយប៉ុស្តិ៍មិនអាចបកស្រាយបំភ្លឺបានទេ ដោយលោកនិយាយថា បានសម្របសម្រួលគ្នាធ្វើការដោះលែងទៅវិញ ។ គួរបញ្ជាក់ផងដែរថា សកម្មភាពបទល្មើសព្រៃឈើនៅក្នុងស្រុកអន្លង់វែងសព្វថ្ងៃ គឺមានសភាពគគ្រឹកគគ្រេង ជាពិសេសគឺដឹកតាមរយៈរថយន្តធំៗ សុទ្ធតែអត់មានច្បាប់ ដែលសមត្ថកិច្ចបង្ក្រាបរទេះឈើខាងលើនេះមិនមែនក្នុងនាមជាមន្ត្រីស្នេហាជាតិបំរើប្រជារាស្ត្រនោះទេ ត្រូវបានប្រជាពលរដ្ឋរិះគន់ថា ជាមន្ត្រីឈ្លាតឱកាស ព្រោះករណីបង្ក្រាបខាងលើពុំបានទៅដល់ជំនាញ ។
ជុំវិញករណីខាងលើលោក ស៊ឹម វណ្ណៈ អធិការដ្ឋាននគរបាលស្រុកអន្លង់វែង លោកមិនបានដឹងរឿងទាំងអស់ខាងលើទេដែលមានករណីឃុំខ្លួន ចាំលោកឆែកមើលសិន ៕ ប៉ែន នួន
