សៀមរាប ៖ បុរសជាជនជាតិកាន់ណាដាម្នាក់នេះមានអាយុ៧០ឆ្នាំបានចាក់សោរបន្ទប់ដែលបានជួលនៅក្នុងសង្កាត់ស្លក្រាម ក្រុងសៀមរាប ។ រួចបានធ្វើសកម្មភាពដោយយកកាំបិតចាក់មកលើខ្លួនឯងជាច្រើកន្លែងនេះត្រូវបានសមត្ថកិច្ចធ្វើការជួយសង្គ្រោះបានទាន់ពេលវេលា ។
លោកស្រីវរសេនីយ៍ទោ ដួង ថាវរី នាយការិយាល័យនគរបាលប្រឆាំងការជួញដូរមនុស្សនិងការពារអនិតិជននៃស្នងការដ្ឋាននគរបាលខេត្តសៀមរាប បានដឹកនាំកម្លាំងក្នុងអង្គភាពសហការជាមួយសមត្ថកិច្ចមូលដ្ឋាននៅនិងកន្លែងកើតហេតុបានឲ្យដឹងថា នៅក្នុងអំឡុងម៉ោង ១១ ដល់ម៉ោង ១២ ថ្ងៃត្រង់ ទី ២៣ ខែកុម្ភះ ឆ្នាំ២០១៤ បុរសជាជនជាតិកាន់ណាដាម្នាក់នេះមានអាយុ៧០ឆ្នាំបានធ្វើសកម្មភាពជាក់ស្តែងអំពើអាស
ប្រឆាំងនិងអនិតិជនក្រោមអាយុ១៥ឆ្នាំរួចក៏ត្រូវបានកុមារារងគ្រោះមានភាពភ័យខ្លាចក៏ដូចជាបងប្អូនប្រជាពលរដ្ឋដែលនៅជិតខាងមានការសង្ស័យក៏បានរាយការណ៍មកដល់សមត្ថកិច្ចឲ្យចុះជួយធ្វើអន្តរាគមន៍ភ្លាមៗតែម្តង ។លោកស្រីវរសេនីយ៍ទោ ដួង ថាវរី បានបន្តប្រសាសន៍ឲ្យដឹងទៀតថា ក្រោយមកនៅពេលដែលសមត្ថកិច្ចយើងមកដល់កន្លែងកើតហេតុជនសង្ស័យជាបុរសជនជាតិកាន់ណាដានេះក៏បានយកកាំបិត
មកចាក់លើខ្លួនឯងជាច្រើនកន្លែងដើម្បីកុំឲ្យសមត្ថកិច្ចយើងចូលមកចាប់ខ្លួនតែទោះបីជាយ៉ាងណាក៏ដោយក៏សមត្ថកិច្ចយើងបានប្រើគ្រប់មធ្យោបាយជំនាញនិងបានធ្វើការជួយសង្គ្រោះក៏ដូចជាបានធ្វើការចាប់ឃាត់ខ្លួនបុរសជនជាតិកាន់ណាដាដែលមានអាយុ៧០ឆ្នាំនេះដែលបានប្រព្រឹត្តនូវបទល្មើសជាក់ស្តែងអំពើអាសប្រឆាំងនិងអនិតិជនក្រោមអាយុ១៥ឆ្នាំ ដោយមិនឲ្យមានគ្រោះថ្នាក់ដល់អាយុជីវិតនោះទេ។ បច្ចុប្បន្នជនសង្ស័យត្រូវបានសមត្ថកិច្ចកពុងតែចំណាត់ការទៅតាមនិតិវិធីជាបន្ត ៕
ដោយ លោក ខេង ខេមរា 
